തിരുവനന്തപുരം: ലോക്സഭാ തെരഞ്ഞെടുപ്പിലെ ദയനീയ പരാജയത്തിന്റെ പശ്ചാത്തലത്തില് ചാനല് ചര്ച്ചകളില് പങ്കെടുക്കാന് കോണ്ഗ്രസ് നേതാക്കള്ക്ക് ഏര്പ്പെടുത്തിയ വിലക്ക് കേരളത്തിലെ നേതാക്കള്ക്ക് ബാധകമാവില്ല. പ്രതിപക്ഷ നേതാവ് രമേശ് ചെന്നിത്തലയും കെപിസിസി പ്രസിഡന്റും ഹൈക്കമാന്ഡുമായി സംസാരിച്ചതിന്റെ അടിസ്ഥാനത്തിലാണ് തീരുമാനം.
കേരളത്തില് നിന്നുള്ള കോണ്ഗ്രസ് നേതാക്കള് പതിവ് പോലെ ചര്ച്ചകളില് പങ്കെടുക്കാം. തെരഞ്ഞെടുപ്പ് ഫലം പുറത്തുവന്നപ്പോള് സംസ്ഥാനത്ത് 20 സീറ്റ് ഉള്ളതില് 19 എണ്ണവും കോണ്ഗ്രസ്സിന് ലഭിച്ചിരുന്നു. അതേമയം മറ്റ് നേതാക്കള്ക്ക് ഒരു മാസത്തേയ്ക്കാണ് ചാനല് ചര്ച്ചകളില് പങ്കെടുക്കുന്നതിന് വിലക്ക് ഏര്പ്പെടുത്തിയിരിക്കുന്നത്.
കുടാതെ എഐസിസി പ്രതിനിധികളെ പാനലില് ഉള്പ്പെടുത്തരുതെന്ന് ചാനല് പ്രതിനിധികളോടും ആവശ്യപ്പെട്ടിട്ടുണ്ട്. കോണ്ഗ്രസ് വക്താവ് രണ്ദീപ് സുര്ജേവാല ഇക്കാര്യം ട്വിറ്ററിലൂടെ അറിയിക്കുകയും ചെയ്തിരുന്നു.
