കൊച്ചി: പ്രളയവുമായി ബന്ധപ്പെട്ട ടി.വി. ചാനല് ചര്ച്ചയില് മലയാളികളെ അപമാനിച്ചെന്ന് ആരോപിച്ച് റിപ്പബ്ലിക് ടി.വി എഡിറ്റര് ഇന് ചാര്ജ് അര്ണബ് ഗോസ്വാമിക്കെതിരെ കണ്ണൂരിലെ ജുഡിഷ്യല് ഫസ്റ്റ് ക്ലാസ് മജിസ്ട്രേട്ട് കോടതിയില് പീപ്പിള്സ് ലോ ഫൗണ്ടേഷന് പ്രസിഡന്റ് പി. ശശി നല്കിയ കേസിലെ തുടര് നടപടികള് ഹൈക്കോടതി തടഞ്ഞു.
ഹര്ജി പരിഗണിക്കവെ മലയാളികളെ അപമാനിച്ചിട്ടില്ലെന്നും പ്രളയകാലത്ത് യുഎഇ സര്ക്കാര് 700 കോടി രൂപയുടെ സഹായം നല്കുന്നത് കേന്ദ്ര സര്ക്കാര് തടഞ്ഞുവെന്ന വ്യാജ വാര്ത്ത പ്രചരിപ്പിച്ചതുമായി ബന്ധപ്പെട്ട ചര്ച്ചയാണ് നടത്തിയതെന്നും ചില സ്ഥാപിത താല്പര്യങ്ങളുടെ പുറത്ത് പ്രചരിപ്പിക്കപ്പെട്ട ഈ വ്യാജവാര്ത്ത തുറന്നു കാട്ടുകയാണ് ചെയ്തതെന്നും വ്യ്ക്തമാക്കിയിരുന്നു. ഈ അവസരത്തിലാണ് കോടതിയുടെ തീരുമാനം.
കഴിഞ്ഞ ആഗസ്റ്റ് 24 ന് സംപ്രേഷണം ചെയ്ത ചാനല് ചര്ച്ചയില് മലയാളികള് നാണം കെട്ടവരാണെന്നും പണം വാങ്ങി ദേശദ്രോഹ പ്രവര്ത്തനങ്ങള് നടത്തുന്നവരാണെന്നും അര്ണബ് ആരോപിച്ചെന്ന് ചൂണ്ടിക്കാട്ടിയാണ് മുന് സിപിഎം ജില്ലാ സെക്രട്ടറി കൂടിയായ പി. ശശി കേസ് നല്കിയത്. കേസ് റദ്ദാക്കണമെന്നാവശ്യപ്പെട്ട് അര്ണബ് ഗോസ്വാമി നല്കിയ ഹര്ജിയിലാണ് ഹൈക്കോടതിയുടെ ഉത്തരവ്.
