ആലുവ: ദേശീയ തലത്തില് ശരാശരിയില് ഏറ്റവും ഉയര്ന്ന സാക്ഷരത നിലവാരമുള്ള കേരളത്തിലാണ് ബാലപീഡനങ്ങള് കൂടുതലായി റിപ്പോര്ട്ട് ചെയ്യപ്പെടുന്നതെന്ന് ദേശീയ ബാലവകാശ കമ്മീഷന് ചെയര്മാന് പ്രിയങ്ക് കനോന് ഗോ. ആലുവമഹനാമി ആഡിറ്റോറിയത്തില് നടന്ന ബാലവകാശ സംരക്ഷണ സമിതിയായ സൗരക്ഷികയുടെ 16-ാമത് സംസ്ഥാന സമ്മേളനം ഉദ്ഘാടനം ചെയ്ത് സംസാരിക്കുകയായിന്നു അദ്ദേഹം.
ബാലസംരക്ഷണത്തിന്റെ പേരില് ബാലസംരക്ഷണം അവകാശപ്പെടുന്ന നിരവധി കേന്ദ്രങ്ങള് കേരളത്തില് പ്രവര്ത്തിക്കുന്നുണ്ട്. ഇതിന്റെ മറവില് വിദേശത്തു നിന്ന് കോടികള് സമ്പാദിക്കുകയാണ് ഇവരുടെ പ്രധാന ലക്ഷ്യമെന്ന്് അദ്ദേഹം ആരോപിച്ചു. എറണാകുളം ജില്ലയില് മാത്രം 176 ശിശു സംരക്ഷണ കേന്ദ്രങ്ങള് പ്രവര്ത്തിക്കുന്നതില് ദുരൂഹതയുണ്ട്. ഇത് സംബന്ധിച്ച് അന്വേഷണം ആവശ്യമാണെന്ന് അദ്ദേഹം പറഞ്ഞു.
സൗരക്ഷിക സംസ്ഥാന പ്രസിഡണ്ട് റിട്ട. ജസ്റ്റീസ് പി.എസ്.ഗോപിനാഥന് അധ്യക്ഷനായി. ആര്.സുധാകുമാരി, കെ.പി.ബാബുരാജ്, വി.ജെ. രാജമോഹന് സേതു ഗോവിന്ദ്, വി.രാജേന്ദ്രന്, എ.എ. അജയകുമാര്, എസ്.ശ്രീകുമാരന് നായര്, അഡ്വ: ചന്ദ്ര മോഹന്സംസാരിച്ചു.
ഭാരവാഹികള്: റിട്ട: ജസ്റ്റീസ് പി.എസ്. ഗോപിനാഥന് (രക്ഷാധികാരി ) അഡ്വ: ശശിശങ്കര് പ്രസിഡണ്ട് ) കെ.ആനന്ദവല്ലി, വി.രാജേന്ദ്രന് (വൈസ് പ്രസിഡണ്ട് മാര് ) ആര്.സുധാകുമാരി (ജനറല് സെക്രട്ടറി)സേതു ഗോവിന്ദ്, എ.എന്.അജയകുമാര് (സെക്രട്ടറിമാര്) എന്.ശ്രീ.കുമാരന് നായര് (ഖജാന്ജി) വി.ജെ. രാജമോഹന് (സംഘടന സെക്രട്ടറി) സോജഗോപാലകൃഷ്ണന് അഡ്വ.എന്.ചന്ദ്ര മോഹന്, ജി. സതീഷ് കുമാര് (സമിതി അംഗങ്ങള്) പി.അജിത്കുമാര് (ഓഡിറ്റര്).
