ലിവര്‍പൂള്‍: ബാഴ്‌സക്കെതിരായ ചാമ്പ്യന്‍സ് ലീഗ് സെമിയില്‍ ലിവര്‍പൂളിന്റെ അവിശ്വസീനമായ വിജയത്തിന് വഴിയൊരുക്കിയത് പതിനാലുകാരനായ ബോള്‍ബോയ് ഓക്ലി കാനോനിയന്.
മത്സരത്തിന്റെ അവസാന നിമിഷങ്ങളില്‍ ലിവര്‍പൂളിന്റെ നാലാം ഗോളിന് വഴിയൊരുക്കിയാണ് ഈ കൗമാരക്കാരന്‍ വീരനായകനായത്. പന്തുമായി ഗോള്‍ മുഖത്തേക്ക് കടന്ന അലക്‌സാണ്ടര്‍ അര്‍നോഡിനെ തടയാനുള്ള ശ്രമത്തില്‍ ബാഴ്‌സ പ്രതിരോധനിരക്കാരന്റെ കാലില്‍ തട്ടി പന്ത് പുറത്തേക്ക്് പോയി.
റഫറി കോര്‍ണര്‍ വിധിക്കുകയും ചെയ്തു. ഉടന്‍ തന്നെ ഈ പതിനാലുകാരന്‍ മറ്റൊരു പന്ത് അര്‍നോള്‍ഡിന് എറിഞ്ഞുകൊടുത്തു. അര്‍നോള്‍ഡ് ഉടന്‍ തന്നെ കിക്കെടുക്കുത്തു. ഒര്‍ജി അത് ഗോളിലേക്ക് തിരിച്ചുവിട്ടു. നിര്‍ണായകമായ ഈ നാലാം ഗോളാണ് ലിവര്‍പൂളിന് ജയമൊരുക്കിയത്.
മത്സരശേഷം ലിവര്‍പൂള്‍ ആരാധകര്‍ ഈ ബോള്‍ബോയിയെ വാഴ്‌ത്തി. സമൂഹമാധ്യമങ്ങളിലും താരമായി . ചാമ്പ്യന്‍സ് ലീഗ് ഫൈനല്‍ കാണാന്‍ ഓക്ലി കാനോനിയന് അവസരം നല്‍കുമെന്ന് ഗ്രേം സൗനെസ് പ്രഖ്യാപിച്ചു.
