തിരുവനന്തപുരം: കവിയൂര് പീഡനക്കേസില് മൂന്നാം തുടരന്വേഷണ റിപ്പോര്ട്ടിനൊപ്പം സിബിഐ സമര്പ്പിച്ച അഞ്ച് രേഖകളുടെ പകര്പ്പുകള് റിപ്പോര്ട്ടില് ആക്ഷേപം ഉന്നയിക്കുന്ന തടസ്സ ഹര്ജിക്കാര്ക്ക് നല്കാന് തിരുവനന്തപുരം സിബിഐ കോടതി ഉത്തരവിട്ടു.
അഞ്ചംഗ കുടുംബം കൂട്ട ആത്മഹത്യ ചെയ്ത നിലയില് കണ്ടെത്തിയ വീട്ടില് നിന്നും ശേഖരിച്ച് പരിശോധനയ്ക്കായി അയച്ച വസ്ത്രങ്ങള്, സ്രവങ്ങള് എന്നിവയുടെയും തുടരന്വേഷണ ഭാഗമായി സിബിഐ സംസ്ഥാന ഫോറന്സിക് ലാബില് നിന്നും സെന്ട്രല് ഫോറന്സിക് ലാബിലേക്കയച്ച വകകള് എന്നിവയുടെ റിപ്പോര്ട്ടുകള് ഉള്ക്കൊള്ളുന്ന നിര്ണ്ണായകരേഖകളാണ് ഹര്ജിക്കാര്ക്ക് നല്കാന് ജഡ്ജി ജെ. നാസര് ഉത്തരവിട്ടത്.
2017 ജൂലൈ 6 ലെ ഫോറന്സിക് റിപ്പോര്ട്ട്, 2017 ഒക്ടോബര് 14, നവംബര് ഒന്ന് തീയതികളിലെ വിദഗ്ധ ഡോക്ടര്മാരടങ്ങിയ മെഡിക്കല് ബോര്ഡ് റിപ്പോര്ട്ടുകള്, 2017 ഡിസംബര് ഒന്നിലെ സെന്റര് ഫോര് ഡി എന് എ ഫിംഗര് പ്രിന്റ് ആന്ഡ് ഡയഗ്നോസ്റ്റിക്സ് സ്ഥാപത്തിന്റെ റിപ്പോര്ട്ട്, 2017 ആഗസ്റ്റ് 31 ന് ചെന്നെ സെന്ട്രല് ഫോറന്സിക് സയന്സ് ലബോറട്ടറിക്ക് സിബിഐ അയച്ച കത്ത് എന്നിവയുടെ അടയാള സഹിതം പകര്പ്പുകള് ഇവ നല്കാനാണ് കോടതി ഉത്തരവ്.
2004 സെപ്റ്റംബര് 28നാണ് പത്തനംതിട്ട ചുമത്ര ക്ഷേത്ര പൂജാരി, ഭാര്യ, പ്രായ പൂര്ത്തിയാകാത്ത മകള്, മകന് എന്നിവരെ മരിച്ച നിലയില് കണ്ടെത്തിയത്.
