2019 മാര്‍ച്ച് 15 മുതല്‍ ഏ[പ്രില്‍ 14 വരെ നിങ്ങള്‍ക്ക് എങ്ങനെ
മേടം: അശ്വതി, ഭരണി, കാര്‍ത്തിക ആദ്യപാദം
ദേഹത്തിന്റെ ഊര്‍ജസ്വലത, ശ്രേയസ്, യശസ്, സൗഖ്യം, കാര്യവിജയം, വിദ്യാഭ്യാസത്തിലെ ഉന്നത നിലവാരം, കലാപരമായ മുന്നേറ്റം, സാമ്പത്തിക സ്ഥിരത, വാക് വൈഭവം, കര്‍മവിജയം.
ഇടവം: കാര്‍ത്തിക മുക്കാല്‍, രോഹിണി, മകീര്യം ആദ്യ പകുതി
ഗൃഹസുഖം, വാഹന്‍സുഖം, ഭാഗ്യം, ധര്‍മ്മവിജയം, ഉപാസനാധി ഗുണം, പുണ്യപ്രവര്‍ത്തനങ്ങള്‍, ദാനധര്‍മ്മങ്ങള്‍, അഭീഷ്ടാഗമങ്ങള്‍ ഇത്യാദി ഗുണങ്ങള്‍ ഉണ്ടാകും. വാക് സാമര്‍ത്ഥ്യത്തിന് കുറവ് വരുന്നു. കര്‍മഗുണം ഉണ്ടാകും.
മിഥുനം: മകീര്യം അന്ത്യപകുതി, തിരുവാതിര, പുണര്‍തം മുക്കാല്‍
ആരോഗ്യ പ്രശ്നങ്ങളേറെ. പ്രവര്‍ത്തന സ്വാതന്ത്ര്യം കുറയുന്നു. എന്നാല്‍ ചെയ്യുന്ന കാര്യങ്ങള്‍ കലാപരമായി പൂര്‍ത്തിയാക്കാനാവുന്നു. പ്രധാനപ്പെട്ട പല അഭീഷ്ടങ്ങളും പൂര്‍ത്തീകരിക്കുന്നു.
കര്‍ക്കിടകം: പുണര്‍തം അന്ത്യപാദം, പൂ‍യം, ആയില്യം
ശാരീരിക വീഴ്ചകള്‍ക്കുള്ള സാധ്യതയുണ്ട്. ആരോഗ്യപ്രശ്നങ്ങളുണ്ട്. ഗൃഹകാര്യങ്ങളില്‍ തടസം. പിതൃജന ദുരിതം. കര്‍മരംഗത്ത് വിജയം. അഭീഷ്ടങ്ങള്‍ പലതും നേടിയെടുക്കും. സഹോദര ഗുണം കുറയും.
ചിങ്ങം: മകം, പൂരം, ഉത്രം ആദ്യപാദം
ഗൃഹനിര്‍മാണ കാര്യങ്ങളില്‍ മുന്നേറ്റം. സന്താന അരിഷ്ടത. കര്‍മരംഗത്ത് പുരോഗതി, ആരോഗ്യ പ്രശ്നങ്ങളുണ്ടെങ്കിലും തരണം ചെയ്യും. വിദ്യാഭ്യാസത്തില്‍ വളര്‍ച്ച. സാമ്പത്തിക രംഗത്ത് പ്രശ്നങ്ങള്‍.
കന്നി: ഉത്രം മുക്കാല്‍, അത്തം, ചിത്തിര ആദ്യ പകുതി
ദേഹാരിഷ്ടതകളേറെ. ഗൃഹസുഖം കുറയും. കര്‍മമേഖലയില്‍ പ്രശ്നങ്ങള്‍. മനശക്തിയെ ബാധിക്കാവുന്ന തരത്തില്‍ പ്രശ്നങ്ങള്‍. സന്തന അരിഷ്ടതകളേറെ. മന്ത്ര ഉപാസനാദികള്‍ കൊണ്ട് മനോനിയന്ത്രണം സാധ്യമാക്കും.
തുലാം: ചിത്തിര അന്ത്യ പകുതി, ചോതി, വിശാഖം മുക്കാല്‍
ആരോഗ്യ സ്ഥിതി മെച്ചം. കര്‍മരംഗത്ത് പുരോഗതി. സഹോദരഗുണം കുറയും. ദുര്‍ബുദ്ധികളേറും. ഗൃഹകാര്യങ്ങളില്‍ മുന്നേറ്റം. കര്‍മരംഗത്ത് തൃപ്തി. ഉപാസനാകാര്യങ്ങളില്‍ തടസം.
വൃശ്ചികം: വിശാഖം അന്ത്യപാദം, അനിഴം, തൃക്കേട്ട
ആരോഗ്യസ്ഥിതി മെച്ചമെങ്കിലും ആഹാര കാര്യങ്ങളില്‍ കൂടുതല്‍ ശ്രദ്ധ അവശ്യം. സാമ്പത്തിക പ്രശ്നങ്ങളേറെ. എന്നാല്‍ കര്‍മരംഗത്ത് വിജയത്തിനൊരുങ്ങുന്നു. ദാമ്പത്യത്തില്‍ പ്രശ്നങ്ങള്‍ക്കിട.
ധനു: മൂലം, പൂരാടം, ഉത്രാടം ആദ്യപാദം
ദേഹാരിഷ്ടതകളേറെ. ദാമ്പത്യത്തിലും പ്രശ്നങ്ങള്‍. കര്‍മരംഗത്ത് വീഴ്ചകള്‍. സാമ്പത്തിക രംഗത്ത് അസ്ഥിരത. ഇതൊക്കെയാണെങ്കിലും ഭാഗ്യാഗമത്തിന്റെ ലക്ഷണങ്ങള്‍ പ്രകടമാണ്.
മകരം: ഉത്രാടം മുക്കാല്‍, തിരുവോണം, അവിട്ടം ആദ്യ പകുതി
ശാരീരിക വീഴ്ചകളില്‍ നിന്നും അത്ഭുതകരമായ രക്ഷപ്പെടലുകളുടെ സഹായഹസ്തങ്ങള്‍. കര്‍മരംഗത്ത് നല്ല പുരോഗതി. കലാപരമായ മുന്നേറ്റം. ഉപാസനകളില്‍ കുറവ്. ഓര്‍മശക്തിയിലും ബുദ്ധിയിലും വളര്‍ച്ച.
കുംഭം: അവിട്ടം അന്ത്യപകുതി, ചതയം, പൂരൂരുട്ടാതി മുക്കാല്‍
സാമ്പത്തികമായി നല്ല വളര്‍ച്ച. അഭീഷ്ടങ്ങള്‍ പലതും നേടിയെടുക്കും. കര്‍മരംഗത്ത് നല്ല പുരോഗതി. വരുമാനം വര്‍ദ്ധിക്കും. ഗൃഹനിര്‍മാണ കാര്യങ്ങളില്‍ മുന്നേറ്റം. സന്താനങ്ങള്‍ക്ക് അരിഷ്ടത. ഭൂമി കാര്യങ്ങളിലും താളം കണ്ടെത്തും.
മീനം: പൂരൂരുട്ടാതി കാല്‍, ഉത്രട്ടാതി, രേവതി
അത്യുഷ്ണത്താല്‍ ശരീരം പീഡിപ്പിക്കപ്പെടുന്നു. സഹോദരഗുണം കുറയും. ഗൃഹസുഖത്തിലും കുറവ്. കര്‍മരംഗത്ത് പ്രശ്നങ്ങളുണ്ടെങ്കിലും അവ തരണം ചെയ്യപ്പെടും. ദാമ്പത്യത്തില്‍ പ്രശ്നങ്ങളുണ്ട്.
പ്രതികരിക്കാൻ ഇവിടെ എഴുതുക: