തിരുവനന്തപുരം: കാസര്കോട് ജില്ലയിലെ എന്ഡോസള്ഫാന് ദുരിതബാധിതരുടെ 50,000 മുതല് 3 ലക്ഷം രൂപ വരെയുള്ള കടങ്ങള് എഴുതിതള്ളാന് 4,39,41,274 രൂപ സാമൂഹ്യനീതി വകുപ്പ് അനുവദിച്ചതായി ആരോഗ്യ മന്ത്രി കെ.കെ. ശൈലജ. 455 കടബാധ്യതകള് എഴുതിത്തള്ളാനുള്ള തുകയാണ് ജില്ല കളക്ടര്ക്ക് അനുവദിച്ചത്.
എന്ഡോസള്ഫാന് പുനരധിവാസ പ്രവര്ത്തനങ്ങളുമായി ബന്ധപ്പെട്ട് മുഖ്യമന്ത്രിയുടെ അധ്യക്ഷതയില് കഴിഞ്ഞ മാര്ച്ച് മാസത്തില് ചേര്ന്ന യോഗത്തില് മാനദണ്ഡങ്ങളുടെ അടിസ്ഥാനത്തില് ദുരിതബാധിതരുടെ 3 ലക്ഷം രൂപ വരെയുള്ള കടബാധ്യതകള് എഴുതിത്തള്ളുന്നതിന് ആവശ്യമായ 7.63 കോടി രൂപ അനുവദിക്കാന് തീരുമാനിച്ചിരുന്നു.
അതിന്റെ അടിസ്ഥാനത്തില് ആദ്യഘട്ടമായി 2011 ജൂണ് വരെയുള്ള 50,000 രൂപ വരെയുള്ള 1083 കടബാധ്യതകള്ക്കായി 2,17,38,655 രൂപ കാസര്ഗോഡ് ജില്ല കളക്ടര്ക്ക് അനുവദിച്ച് ഉത്തരവായിട്ടുണ്ട്. രണ്ടാം ഘട്ടമായാണ് 50,000 മുതല് 3 ലക്ഷം രൂപ വരെയുള്ള കടബാധ്യതകള് എഴുതിതള്ളാനുള്ള തുക അനുവദിച്ചത്.
