ന്യൂദല്ഹി: രാജ്യത്ത് ഭീകരതയുടെ വ്യാപനം തടയാന് സാമൂഹ്യമാധ്യമങ്ങളെ നിയന്ത്രിക്കേണ്ടതുണ്ടെന്ന് കരസേനാ മേധാവി ജനറല് ബിപിന് റാവത്ത്. ജമ്മുകശ്മീരില് ഭീകരര് വ്യത്യസ്തമായ പാതകള് തെരഞ്ഞെടുത്തുവരികയാണ്.
സാമൂഹ്യ മാധ്യമങ്ങള് വഴി മതത്തെപ്പറ്റി തെറ്റായ വിവരങ്ങളാണ് യുവാക്കളില് കുത്തിവയ്ക്കുന്നത്. ഇത് വലിയ വിഷയം തന്നെയാണ്. ഒരു ചര്ച്ചയില് പെങ്കടുത്ത് അദ്ദേഹം പറഞ്ഞു. തെറ്റായ വിവരങ്ങള് നല്കി യുവാക്കളുടെ ചിന്തയെ വിഷലിപ്തമാക്കുന്നില്ലെന്ന് ഉറപ്പാക്കുകയാണ് നാം നേരിടുന്ന ഏറ്റവും വലിയ വെല്ലുവിളി.
ഏതെങ്കിലും രാജ്യം സാമൂഹ്യ മാധ്യമങ്ങളെ നിയന്ത്രിക്കാന് നടപടിയെടുത്താല് അവകാശങ്ങള് ലംഘിക്കുകയാണ്, മാധ്യമങ്ങളെ അടിച്ചമര്ത്തുകയാണ്, ഇതിനെതിരെ അന്താരാഷ്ട്ര സമൂഹം ഒന്നിക്കണം എന്നൊക്കെ പറഞ്ഞ് ചിലര് ഇറങ്ങും. ജമ്മുകശ്മീരില് ഭീകരര് സാമൂഹ്യ മാധ്യമങ്ങള് വഴി തെറ്റായ വിവരങ്ങള് പടര്ത്തുന്നത് ഒരു യുദ്ധമുറയായി സ്വീകരിച്ചു കഴിഞ്ഞിരിക്കുന്നു, അദ്ദേഹം പറഞ്ഞു.
