ന്യൂദല്ഹി: ലോകത്ത് അതിവേഗ വളര്ച്ചയുടെ പട്ടികയിലുള്ള 20 നഗരങ്ങളില് 17 ഉം ഇന്ത്യയുടേത്. പ്രതിശീര്ഷ വരുമാനം പരിഗണിക്കുമ്പോള് 2019-2035 കാലയളവില് ബെംഗളൂരുവും ഹൈദരാബാദും ചെന്നൈയും ഉള്പ്പെടെയുള്ള 17 നഗരങ്ങള് ലോകത്തെ അതിവേഗ വളര്ച്ച കൈവരിച്ച നഗരങ്ങളില് മുന്പന്തിയിലെത്തുമെന്നാണ് ഓക്സ്ഫോര്ഡ് എക്കണോമിക്സിന്റെ സാമ്പത്തിക സര്വേ വെളിപ്പെടുത്തുന്നത്.
പട്ടികയില് ഒന്നാമത് വജ്രവ്യാപാരത്തിലും വിവര സാങ്കേതിക വിദ്യയിലും ഒരു പോലെ പേരെടുത്ത സൂറത്ത്. തൊട്ടു പിറകെ ആഗ്രയും ബെംഗളൂരുവും. നാലാമതായി ഹൈദരാബാദ്. നാഗ്പൂര്, തിരുപ്പൂര്, രാജ്്കോട്ട്, തിരുച്ചിറപ്പള്ളി, ചെന്നൈ, വിജയവാഡ തുടങ്ങിയവയാണ് തുടര്ന്നുള്ള നഗരങ്ങള്.
നോം പെന്, ദാറുസലാം തുടങ്ങിയ വിദേശനഗരങ്ങളും 20 ല് പെടുന്നു. 2035 ല് ജനസാന്ദ്രതയില് മുന്പിലുള്ള പത്തു നഗരങ്ങളില് ഇന്ത്യയുടെ വാണിജ്യ നഗരമായ മുംബൈയും പെടും.
2027- ല് ഏഷ്യന് നഗരങ്ങളുടെ മൊത്തം ആളോഹരി വരുമാനം പരിഗണിച്ചാല് വടക്കേ അമേരിക്കയുടേയും യൂറോപ്യന് നഗരങ്ങളുടേയും മൊത്തം ആളോഹരി വരുമാനത്തേക്കാള് മികച്ചതായിരിക്കും. ലോക നഗരങ്ങളില് ഏറ്റവും വലിയ സാമ്പത്തിക ശക്തിയായി തുടരുന്നത് ന്യൂയോര്ക്ക് സര്വേ പറയുന്നു. തൊട്ടു പിറകെ ടോക്കിയോയും ലോസ് ഏഞ്ചലസും. ഷാങ്ഹായും ലണ്ടനുമാണ് അഞ്ചാം സ്ഥാനം പങ്കിടുന്നത്.
