ഝല്വാര്: രാജസ്ഥാനിലെ തെരഞ്ഞെടുപ്പ് റാലിക്കിടെ എല്ജെഡി നേതാവ് ശരത് യാദവ് തന്നെ അപമാനിച്ചെന്നും അദ്ദേഹത്തിനെതിരെ നടപടി എടുക്കണമെന്നും ബിജെപി മുഖ്യമന്ത്രി സ്ഥാനാര്ഥി വസുന്ധര രാജെ. ശരത് യാദവിന്റെ പ്രസ്താവന ഞെട്ടലുണ്ടാക്കി. താന് അപമാനിക്കപ്പെട്ടു. അദ്ദേഹം സ്ത്രീത്വത്തെ അപമാനിക്കുകയാണ് ചെയതതെന്നും വസുന്ധര രാജെ കൂട്ടിച്ചേര്ത്തു.
തെരഞ്ഞെടുപ്പ് കമ്മീഷന് ശരത് യാദവിനെതിരെ നടപടിയെടുക്കണം. അത് മാതൃകാപരമായ നടപടികയാകണമെന്നും വസുന്ധര രാജെ പറഞ്ഞു. സ്്ത്രീകള്ക്കായുള്ള പിങ്ക് ബൂത്തിലെത്തി വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അവര്.
വസുന്ധരയുടെ തടി കൂടിയിട്ടുണ്ടെന്നും അവര് ക്ഷീണിതയായതിനാല് വിശ്രമിക്കാന് അനുവദിക്കണമെന്നുമായിരുന്നു ശരത് യാദവിന്റെ പരാമര്ശം.കോണ്ഗ്രസും സഖ്യകക്ഷികളും അവരുടെ നേതാക്കളുടെ ഭാഷാപ്രയോഗത്തെ നിയന്ത്രിക്കണം. ഇത്തരത്തിലുള്ള മാതൃകയാണോ അണികളായ യുവാക്കള്ക്ക് ശരത് യാദവ് നല്കുന്നതെന്നും വസുന്ധര ചോദിച്ചു.
യാദവിന്റെ പരാമര്ശത്തിനെതിരെ ബിജെപി തെരഞ്ഞെടുപ്പ് കമീഷനില് പരാതി നല്കിയിട്ടുണ്ട്.എന്നാല്, താന് തമാശ പറഞ്ഞതാണെന്നും വസുന്ധരയുമായുള്ള പഴയ സുഹൃദ് ബന്ധത്തിന്റെ അടിസ്ഥാനത്തിലായിരുന്നു അത്തരമൊരു പരാമര്ശമെന്നുമാണ് ശരത് യാദവിന്റെ വാദം.
