പത്തനംതിട്ട : ശബരിമല യുവതീ പ്രവേശനവുമായി ബന്ധപ്പെട്ട് നിലയ്ക്കലില് നിരോധനാജ്ഞ ലംഘിച്ചെത്തിയ ബിജെപി സംസ്ഥാന ജനറല് സെക്രട്ടറി ബി. ഗോപാലകൃഷ്ണന്റെ നേതൃത്വത്തിലുള്ള സംഘത്തെ അറസ്റ്റ് ചെയ്ത് ജാമ്യത്തില് വിട്ടു. ഗോപാലകൃഷ്ണനൊപ്പം എത്തിയ എട്ടുപേരെയാണ് അറസ്റ്റ് ചെയ്തത്.
നിലയ്ക്കലില് മൂന്ന് കിലോമീറ്റര് അകലെ ഇലവുങ്കലില് വെച്ച് പോലീസ് ഇവരെ പരിശോധിച്ച് പേരു വിവരങ്ങള് ശേഖരിച്ചിരുന്നു.
പിന്നീട് ആറുമണിക്കൂറിനകം സന്നിധാനതെത്തി തിരികെ മലയിറങ്ങണമെന്ന നോട്ടീസ് കൈപ്പറ്റണമെന്ന് ബിജെപി നേതാക്കളോട് പോലീസ് ആവശ്യപ്പെടുകയായിരുന്നു. ഇത് കൈപ്പറ്റുകയാണെങ്കില് ദര്ശനത്തിന് അനുമതി നല്കാമെന്നും പോലീസ് അറിയിച്ചു.
ബിജെപി സംഘം ഇതില് പ്രതിഷേധിച്ച് നിലയ്ക്കലില് കുത്തിയിരിക്കാന് തുടങ്ങിയതോടെ നിരോധനാജ്ഞ നിലനില്ക്കുന്ന സ്ഥലമാണിതെന്ന് അറിയിച്ച് പോലീസ് ഇവരെ അറസ്റ്റ് ചെയ്യുകയായിരുന്നു. ഇവരെ പിന്നീട് പെരുംപുഴ സ്റ്റേഷനിലേക്ക് മാറ്റി.
ബിജെപി സംഘം നിലയ്ക്കല് എത്തുമെന്ന വാര്ത്തകളെ തുടര്ന്ന് എസ്പി മഞ്ജുനാഥ് സ്ഥലതെത്തി പ്രദേശത്തെ പോലീസ് ഉദ്യോഗസ്ഥര്ക്ക് സുരക്ഷ കര്ശ്ശനമാക്കുന്നത് ഉള്പ്പടെ നിര്ദ്ദേശങ്ങള് നല്കിയിരുന്നു. അതേസമയം അറസ്റ്റുകൊണ്ട് തങ്ങളെ ഭയപ്പെടുത്താനാവില്ലെന്ന് ഗോപാലകൃഷ്ണന് അറിയിച്ചു.
