ഐസ്വാള്: കൊല്ക്കത്തയിലെ വമ്പന്മാരായ ഈസ്റ്റ്് ബംഗാളിനെ കീഴടക്കി ഐസ്വാള് എഫ്സി ഐ ലീഗില് ആദ്യ വിജയം ആഘോഷിച്ചു. രാജീവ് ഗാന്ധി സ്റ്റേഡിയത്തില് നടന്ന മത്സരത്തില് രണ്ടിനെതിരെ മൂന്ന് ഗോളുകള്ക്കാണ് ഐസ്വാള് എഫ്സി വിജയിച്ചത്.
അവസാന നിമിഷങ്ങളിലെ വീരോചിത പോരാട്ടമാണ് 1-2 ന് പിന്നിട്ടുനിന്ന ഐസ്വാളിനെ വിജയത്തിലേക്ക് നയിച്ചത്. 73-ാം മിനിറ്റില് സോഹര്ലിനയും ഒമ്പത് മിനിറ്റുകള്ക്ക് ശേഷം ലാല്ഖപുയിമാവിയും നേടിയ ഗോളുകള് ആതിഥേയര്ക്ക് വിജയമൊരുക്കിയത്. 26-ാം മിനിറ്റില് ഡോഡോസിന്റെ ഗോളില് ഐസ്വാള് മുന്നിലെത്തി. ജസ്റ്റിനും (62) ബോര്ജ ഗോമസും (70) ഗോള് നേടിയതോടെ ഈസ്റ്റ് ബംഗാള് 2-1 ന് ലീഡ് നേടി.
ഈ വിജയത്തോടെ ഐസ്വാളിന് ആറു മത്സരങ്ങളില് അഞ്ചു പോയിന്റായി. ഈസ്റ്റ്് ബംഗാളിന്റെ രണ്ടാം തോല്വിയാണിത്. നാലു മത്സരങ്ങളില് അവര്ക്ക് ആറു പോയിന്റുണ്ട്.
