ബാങ്കോക്ക്: നിക്ഷേപകര്ക്ക് ഇഷ്ടപ്പെട്ട രാജ്യമായി ഇന്ത്യ മാറിയെന്ന് പ്രധാനമ്രന്തി നരേന്ദ്ര മോദി. ഇന്ത്യയിലെ 130 കോടി ജനങ്ങളെയും ബാങ്കിങ് വ്യവസ്ഥയില് ഉള്പ്പെടുത്താന് തന്റെ സര്ക്കാരിന് സാധിച്ചതായും അദ്ദേഹം പറഞ്ഞു. സിംഗപ്പൂരില് ഫിന്ടെക് ഉച്ചകോടിയില് മുഖ്യപ്രഭാഷണം നടത്തുകയായിരുന്നു അദ്ദേഹം. ഇന്ത്യ ഡിജിറ്റല് സമ്പദ് വ്യവസ്ഥയിലേക്ക് മാറിക്കൊണ്ടിരിക്കുകയാണ്, അദ്ദേഹം പറഞ്ഞു. അദ്ദേഹം ഫിന്ടെക് ഫെസ്റ്റിവലിലെ ഇന്ത്യന് പവലിയന് സന്ദര്ശിച്ചു. സിംഗപ്പൂര് പ്രധാനമന്ത്രി ലീ സിന് ലോങ്ങുമായും അദ്ദേഹം കൂടിക്കാഴ്ച നടത്തി.
രണ്ടു ദിവസത്തെ ആസിയാന് ഉച്ചകോടയില് പങ്കെടുക്കാന് എത്തിയ മോദി യുഎസ് വൈസ് പ്രസിഡന്റ് മൈക്ക് പെന്സുമായും കൂടിക്കാഴ്ച നടത്തി. പ്രതിരോധ സഹകരണം അടക്കമുള്ള ഉഭയകക്ഷി ബന്ധം ഇരുവരും ചര്ച്ച ചെയ്തു. പ്രതിരോധ ഉപകരണങ്ങള് ഇന്ത്യയില് നിര്മിക്കാനുള്ള വലിയ അവസരമാണ് അമേരിക്കയ്ക്ക് ഇപ്പോള് കൈവന്നിട്ടുള്ളതെന്ന് മോദി പെന്സിനോട് പറഞ്ഞു.
ഓസ്ട്രേലിയന് പ്രധാനമന്ത്രി സ്കോട്ട് മോറിസണുമായും അദ്ദേഹം ചര്ച്ചകള് നടത്തി.
സിംഗപ്പൂര് ഫിന്ടെക് ഫെസ്റ്റിവലില് മുഖ്യപ്രഭാഷണം നടത്തുന്ന ആദ്യ വിദേശ സര്ക്കാര് തലവനാണ് മോദി. ആസിയാന് ഉച്ചകോടി ഇന്നാണ് തുടങ്ങുക.
