തിരുവനന്തപുരം: കേരളം ഈ സീസണിലെ ആദ്യ രഞ്ജി ട്രോഫി മത്സരത്തിനിറങ്ങുന്നു. തിരുവനന്തപുരം സെന്റ് സേവ്യേഴ്സ് ഗ്രൗണ്ടില് ഇന്ന് ആരംഭിക്കുന്ന മത്സരത്തില് ഹൈദരാബാദാണ് എതിരാളികള്.
സച്ചിന് ബേബിയാണ് കേരള ടീമിനെ നയിക്കുന്നത്.ജലജ് സക്സേന, അരുണ് കാര്ത്തിക്, രോഹന് പ്രേം, സഞ്ജു വിശ്വനാഥ്, സല്മാന് നിസാര്, വി.എ. ജഗദീഷ്, അക്ഷയ് ചന്ദ്രന്, വിഷ്ണു വിനോദ്, അക്ഷയ്.കെ.സി, സന്ദീപ് വാര്യര്, നിദീഷ്.എം.ഡി. ബേസില് തമ്പി, രാഹുല്.പി, വിനൂപ് എസ്.മനോഹരന് എന്നിവരാണ് മറ്റു ടീമംഗങ്ങള്
ഡേവ് വാട്ട്മോറാണ് ടീമിന്റെ മുഖ്യ കോച്ച്. സെബാസ്റ്റിയന് ആന്റണി, മസര് മൊയ്തു എന്നിവര് അസിസ്റ്റന്റ് കോച്ചുമാണ്. ജി.സജികുമാറാണ് ടീം മാനേജര്.
കെ.എസ.്കെ ചൈതന്യ, തനയ് ത്യാഗരാജന്,രവി കിരണ്,ആശിഷ് റെഡ്ഡി, ആകാശ് ബന്ദാരി,സി.വി മിലിന്ത്, മെഹ്തി ഹസന്,അക്ഷത് റെഡ്ഡി,തന്മയ് അഗര്വാള്,എ.റ്റി റായിഡു, ബി സന്ദീപ്,ഹിമാലയ് അഗര്വാള്,സുമന്ത് കൊല്ല, കെ.റോഹിത് റായിഡു,സാകേത്,ടി.രവി തേജ, റ്റി.പി അനിരുദ്ദ് ശ്രീവത്സ, എം.ഡി സിറാജ്, ജാവേദ് അലി,അജയ് ദേവ് ഗൗഡ്,മിര് ഒമര് ഖാന്,എ.ലളിത് മോഹന്, മുധാസര്,കാര്ത്തികേയ കക് എന്നിവര് അടങ്ങുന്നതാണ് ഹെദരാബാദ് ടീം.
രണ്ടാം മത്സരത്തില് കേരളം തിരുവനന്തപുരത്ത് ആന്ധ്രയെ നേരിടും. ഈമാസം 12 മുതല് 15 വരെയാണ് മത്സരം. കേരളവും ബംഗാളും തമ്മിലുള്ള മത്സരം 20 മുതല് 23 വരെ കൊല്ക്കത്തയിലെ ഈഡന് ഗാര്ഡനില് നടക്കും. കേരളം – മധ്യപ്രദേശ് മത്സരം 28 മുതല് ഡിസംബര് ഒന്ന് വരെ തിരുവനന്തപുരത്ത് നടക്കും. കേരളം – തമിഴ്നാട് മത്സരം തമിഴ്നാട്ടില് ഡിസംബര് ആറു മുതല് ഒമ്പതു വരെ അരങ്ങേറും.
ദല്ഹിയുമായുളള മത്സരം ഡിസംബര് 14 മുതല് 17 വരെ തിരുവനന്തപുരത്തും പഞ്ചാബുമായുള്ള മത്സരം ഡിസംബര് 30 മുതല് ജനുവരി രണ്ടുവരെ പഞ്ചാബിലും നടക്കും. കേരളം- ഹിമാചല്പ്രദേശ് പോരാട്ടം ജനുവരി ഏഴു മുതല് പത്ത് വരെ ഹിമാചലില് അരങ്ങേറും.
