ന്യൂദല്‍ഹി: പ്രധാനമന്ത്രി നരേന്ദ്രമോദി ഡിസംബറില്‍ കേരളം സന്ദര്‍ശിക്കും. കേരളത്തിൽ പുതുതായി നിര്‍മിക്കുന്ന കേന്ദ്രീയ വിദ്യാലയങ്ങളുടെ തറക്കല്ലിടല്‍ കര്‍മ്മത്തിനും പൂര്‍ത്തിയായവയുടെ ഉദ്ഘാടനത്തിനുമായാണ് പ്രധാനമന്ത്രി എത്തുന്നത്.
ഡിസംബറിന് മുമ്പ് വിദ്യാലയങ്ങളുടെ പണി പൂർത്തിയാക്കാൻ പ്രധാനമന്ത്രിയുടെ ഓഫീസ് നിർദേശം നൽകി. പത്തനംതിട്ട ചെന്നീര്‍ക്കര, കൊല്ലം എന്നിവിടങ്ങളിലെ കേന്ദ്രീയ വിദ്യാലയങ്ങളുടെ കെട്ടിട ഉദ്ഘാടന പരിപാടിയിലും പ്രധാനമന്ത്രി പങ്കെടുക്കും.
കാസര്‍കോട്, നീലേശ്വരം, കൊട്ടയം, കടുത്തുരുത്തി, പയ്യന്നൂര്‍, പെരിങ്ങോം സിആര്‍പിഎഫ്, കൊച്ചി എന്നിവിടങ്ങളിലെ കേന്ദ്രീയ വിദ്യാലയങ്ങളുടെ തറക്കല്ലിടല്‍ കര്‍മ്മമാണ് പ്രധാനമന്ത്രി നിര്‍വഹിക്കുക. ഇതുസംബന്ധിച്ചുള്ള അറിയിപ്പ് എല്ലാ കേന്ദ്രീയ വിദ്യാലയം റീജിയണല്‍ അധികൃതര്‍ക്കും ലഭിച്ചു.
പ്രധാനമന്ത്രി കേരളത്തിലെത്തുന്ന തീയ്യതി ഇതുവരെ പ്രഖ്യാപിച്ചിട്ടില്ല.
പ്രതികരിക്കാൻ ഇവിടെ എഴുതുക: