കൊച്ചി: കാമ്പസ് ഫ്രണ്ടിന്റെ മുന്‍ ജില്ലാക്കമ്മറ്റിയംഗമായിരുന്ന, ഇപ്പോള്‍ ഡിവൈഎഫ്‌ഐ മേഖലാ സെന്റര്‍ അംഗവുമായ ബി.കെ. നിയാസ് തുറന്നു പറയുന്നത് ഞെട്ടിക്കുന്ന രഹസ്യങ്ങള്‍. അവ കാമ്പസ് ഫ്രണ്ട് എന്ന സംഘടയുടെ ഭീകരമുഖം വെളിപ്പെടുത്തുന്നു.
എതിരാളികളുടെ പാര്‍ട്ടിയും രാഷ്‌ട്രീയവും ഏതാണെങ്കിലും കൊല്ലുമ്പോള്‍ അവരിലെ ഹിന്ദുക്കളെ കൊല്ലാന്‍ കാമ്പസ് പ്രഫണ്ട് പട്ടിക തയാറാക്കിവെക്കുന്നുവെന്നാണ് ഒരു വെളിപ്പെടുത്തല്‍. മുസ്ലിം ഭീകര സംഘടനകളുടെ പൊതു രീതിയില്‍ പെടുന്ന ഒട്ടേറെ വിവരങ്ങള്‍ ഈ വെളിപ്പെടുത്തലിലുണ്ട്.
മതാനുഷ്ഠാനമായ മഗ്രിബ് നിസ്‌കാരത്തിനു ശേഷം രാത്രിയില്‍ നടക്കുന്ന പി.ടി ക്ലാസെന്ന ആയുധ പരിശീലനം, കത്തി നെഞ്ചില്‍ത്തന്നെ കുത്തിയിറക്കുന്ന രീതി, ആര്‍എസ്എസിനെക്കുറിച്ച് നുണ പ്രചരിപ്പിച്ച് മുസ്ലിങ്ങളില്‍ ഭീതിയും വിദ്വേഷവും വളര്‍ത്തുന്നത് തുടങ്ങിയ ഓരോന്നും നിയാസിന്റെ ഫേസ്‌ബുക് പോസ്റ്റില്‍ വിവരിക്കുന്നു.
ഫോസ്‌ബുക് പോസ്റ്റ്: ”സാഹിബന്മാരെ, അവനെയും കൊന്നു അല്ലെ…! നന്നായി…
നമ്മള്‍ പണ്ടത്തെപോലെ തന്നെ ഇപ്പോഴും ഒരു മാറ്റവും വന്നിട്ടില്ല കൊന്നപ്പോള്‍ ഹിന്ദു നാമധാരിയെ തന്നെ കൊന്നു അല്ലേ..! അതും നന്നായി ഇനി ഇസ്ലാമിക രാജ്യ രൂപീകരണ സമയത്ത് ഒരു അമുസ്ലിമിനെ കുറച്ച് കൊന്നാല്‍ മതിയല്ലോ അല്ലെ…?
മഗ്രിബ് നിസ്‌കാരത്തിന് ശേഷമുള്ള നമ്മുടെ ആ പി ടി ക്ലാസ് (ആയുധപരിശീലനം) ഇപ്പോഴും നന്നായിട്ട് നടക്കുന്നുണ്ടല്ലോ അല്ലേ നന്നായി. അതെനിക്ക് മനസ്സിലായി 20 വയസ്സുള്ള ഒരു ചെറുപ്പക്കാരനെ ചങ്കില്‍ അറപ്പില്ലാതെ കൈ വിറക്കാതെ കഠാര കുത്തിയിറക്കി ഒറ്റക്കുത്തിനു കൊല്ലണമെങ്കില്‍ അതിന് നമ്മുടെ പി ടി ക്ലാസ് മാത്രം പങ്കെടുത്താല്‍ മതിയല്ലോ അല്ലെ… ?
എല്ലാ കാമ്പസിലും എസ്എഫ്‌ഐ നേതാക്കന്മാരിലെ ഹിന്ദുക്കളുടെ പട്ടിക ഇപ്പോഴും ഏരിയാ നേതാവിന് എഴുതി കൊടുക്കാറുണ്ടല്ലോ അല്ലെ? അത് നല്ലതാ. അതല്ലേ ഒരു പ്രശ്‌നം വന്നപ്പോള്‍ പെട്ടെന്ന് ആരെ വകവരുത്തണം എന്ന് പുറത്ത് നിന്ന് വന്നവര്‍ക്ക് മനസ്സിലാക്കാന്‍ പറ്റിയത്. സ്ഥലത്തെ പോലീസ് ഉദ്യോഗസ്ഥരുമായി ഇപ്പോള്‍ തന്നെ ബന്ധപ്പെട്ടിട്ടുണ്ടാവുമല്ലോ അല്ലെ. നന്നായി ഉടന്‍ തന്നെ കൃത്യം ചെയ്തവരെയെല്ലാം സുരക്ഷിതരായി സംരക്ഷിച്ച് നമ്മളുദ്ദേശിക്കുന്ന പ്രതികളുടെ ഒരു വലിയ ലിസ്റ്റ് കൊടുക്കുമല്ലോ ല്ലേ.. അതില്‍ കോണ്‍ഗ്രസ്, കമ്മ്യൂണിസ്റ്റ്കു ടുംബത്തില്‍ നിന്നുള്ള നമ്മളുമായി സുഹൃദ്ബന്ധമുള്ളവരുടെ പേരും ഉള്‍പ്പെടുത്തിയിട്ടുണ്ടാവുമല്ലോ ല്ലേ..
കേസില്‍ പെടുത്തിയാല്‍ പിന്നെ അവര്‍ നമ്മുടെ പാര്‍ട്ടിവിട്ട് പോവില്ലെന്ന് നമ്മുടെ നേതൃത്വ കാമ്പില്‍ പറഞ്ഞിട്ടുണ്ടല്ലോ.
ആ പ്രദേശത്തുള്ള പ്രവര്‍ത്തകരെയെല്ലാം ഇപ്പോള്‍ത്തന്നെ വിവിധ പ്രദേശത്തുള്ള ഗള്‍ഫുകാരുടെ വീട്ടില്‍ മുറിയില്‍ അടച്ചിട്ട് രാജകീയമായ ഭക്ഷണം നല്‍കി അള്ളാഹുവിന്റെ റസൂലും ഇതുപോലെ മക്കയില്‍ നിന്ന് മദീനയിലേക്ക് ഒളിവില്‍ പോയിട്ടുണ്ടെന്നും ഇതൊക്കെ ദീനിന്റെ ഭാഗമാണെന്നും ബാബറി മസ്ജിദ് പുനര്‍നിര്‍മ്മിക്കണമെങ്കില്‍, നമ്മുടെ ഉമ്മയെ ഗുജറാത്തിലെ കൗസര്‍ബാനുവിനെപോലെ ആര്‍എസ്എസ് പിച്ചി ചീന്താതിരിക്കാന്‍, നാളെ നമ്മുടെ കുഞ്ഞ്‌പെണ്‍ മക്കളെ നമ്മുടെ മുമ്പിലിട്ട് ബലാല്‍സംഗം ചെയ്യാതിരിക്കണമെങ്കില്‍ ഇന്ന് നാം ഇതൊക്കെ സഹിക്കണമെന്നൊക്കെ പറഞ്ഞു കൊടുക്കുന്നുണ്ടാവുമല്ലോ അല്ലെ.?
ആഴ്ചയില്‍ ഒരിക്കലുള്ള തര്‍ബിയ ക്ലാസ്സില്‍ (മതപഠനം) ഇപ്പോഴും പരിശുദ്ധ ഖുറാനിലെ സൂറത്തുല്‍ (അധ്യായം) അന്‍ഫാലും അതിലെ പതിനഞ്ചാമത്തെ ആയത്തും (സൂക്തം), പിന്നെ അന്യ മതക്കാരന്റെ പിരടിനോക്കി വെട്ടണം എന്ന് ഖുറാന്‍ അനുശാസിക്കുന്നുണ്ട് എന്നൊക്കെ ഇപ്പോഴും പഠിപ്പിക്കാറുണ്ടോ മുമ്പത്തെ പോലെ നമ്മുടെ പഠന ക്ലാസ്സുകളില്‍ സിമിയുടെ നേതാക്കളും സിമി മുന്‍ സംസ്ഥാന പ്രസിഡന്റ് മുഹമ്മദ് അമീനും, മറ്റുള്ളവരും ഇപ്പോഴും പങ്കെടുത്ത് പ്രവര്‍ത്തകര്‍ക്ക് ആവേശം പകര്‍ന്ന് നല്‍കാറുണ്ടല്ലോ അല്ലേ..?
ജയിലില്‍ കിടക്കുന്ന പ്രതികളെയെല്ലാം നേരില്‍ക്കണ്ട് ഇന്ത്യയിലെ പൊലീസുകാരെല്ലാം ഹിന്ദുക്കളാണെന്നും അവര്‍ മുസ്ലിങ്ങളോട് വൈരാഗ്യമുള്ളവര്‍ ആണെന്നും പറഞ്ഞുകൊണ്ടേയിരിക്കുമല്ലോ അല്ലെ…!
ഇങ്ങനെ എത്രകാലം നിങ്ങള്‍ കൊന്നുകളിക്കും.. എത്രകാലം പാതിരാത്രികളില്‍ പള്ളികളുടെ മുകളില്‍ വിളക്കിന്റെ ചുറ്റിനിരുന്ന് പരമത ഭയം വളര്‍ത്തും. നിങ്ങള്‍ക്കെവിടെയോ തെറ്റി സാഹിബന്മാരെ. ഈ കമ്യൂണിസ്റ്റുകാര്‍ നമ്മളുപറയുന്ന ആ പടച്ചോനെയൊന്നും പേടി ഇല്ലാത്തവരാ. ഇവരുടെ ആവേശം നിങ്ങള്‍ കൊന്നുതള്ളിയ രക്തസാക്ഷികളാ, രക്തസാക്ഷികളുടെ ചോരയാല്‍ ചുവപ്പിച്ച ഈ ചെങ്കൊടി മുകളില്‍ നിന്ന് പാറുന്നകലത്തോളം എത്ര അഭിമന്യുമാരെ കൊന്നുതള്ളിയാലും, എത്ര ചങ്കുകളില്‍ ഇനി കഠാര കുത്തിയിറക്കിയാലും ഈ ചെങ്കൊടി ചുവന്നു കൊണ്ടേയിരിക്കും!
ഇന്‍ക്വിലാബ് മുഴങ്ങി കൊണ്ടേയിരിക്കും.!
ഈങ്കുലാബ് സിന്ദാബാദ്, രക്തസാക്ഷികള്‍ സിന്ദാബാദ്…”
വാട്‌സ്ആപ് ഹര്‍ത്താല്‍ ആഹ്വാനവും സംസ്ഥാന വ്യാപകമായ ആക്രമണവും നടത്തിയതിനെക്കുറിച്ചുള്ള അന്വേഷണത്തില്‍ കസ്റ്റഡിയില്‍ എടുത്തവരെ കേസില്‍നിന്ന് ചില ഒഴിവാക്കിയത് സിപിഎം നേതാക്കളുടെ ശുപാര്‍ശ പ്രകാരമാണ്. ഇതുള്‍പ്പെടെ വിവിധ കേസുകളില്‍ നിന്ന് രണ്ടു വര്‍ഷമായി ഒഴിവാക്കപ്പെട്ടവര്‍ സിപിഎമ്മില്‍ ചേരാമെന്നായിരുന്നു വ്യവസ്ഥ വെച്ചിരുന്നത്. അക്കൂട്ടത്തില്‍ പെട്ടയാളാണ് നിയാസെന്നും അയാള്‍ പറയുന്നത് വിശ്വസിക്കേണ്‌ടെന്നും കാമ്പസ് ഫ്രണ്ടുകാര്‍ പറയുന്നു. എന്നാല്‍, ഇക്കാലത്തിനിടെ ഇന്റലിജന്‍സ് ഏജന്‍സികളും മറ്റു സംഘടനകളും കണ്‌ടെത്തി റിപ്പോര്‍ട്ടു ചെയ്തിരുന്ന കാര്യങ്ങളാണ് നിയാസിന്റെ പോസ്റ്റില്‍ വെളിപ്പെടുന്നത്.
പ്രതികരിക്കാൻ ഇവിടെ എഴുതുക: