കൂത്തുപറമ്പ്: കൂത്തുപറമ്പ് നഗരത്തിലെ വൃത്തിഹീനമായ അറവുശാലക്കെതിരെ വ്യാപകമായ പരാതി. കൂത്തുപറമ്പ് നഗരസഭ കെട്ടിടത്തിന്റെ പിറകുവശത്തെ അറവുശാലയാണ് വൃത്തിഹീനമായി കിടക്കുന്നത്. കൂത്തുപറമ്പിലേയും പരിസരപ്രദേശങ്ങളിലേയും ജനങ്ങള് ഇറച്ചിക്കായി ആശ്രയിക്കുന്ന ഇവിടം ആകെ മലീമസമാണ്. അറവുശാലയ്ക്കകത്ത് പുഴുക്കളടക്കമുളള ജീവികള് നിറഞ്ഞിരിക്കുകയാണെന്ന് നാട്ടുകാര് പറയുന്നു. നഗരസഭയുടെ മൂക്കിന് താഴെ കിടക്കുന്ന അറവുശാലയുടെ ദയനീയാവസ്ഥ അധികൃതര് കണ്ടില്ലെന്ന് നടിക്കുകയാണ്.
നഗരസഭാ ആരോഗ്യവിഭാഗം ഇതിനെതിരെ നടപടിയെടുക്കാന് തയ്യാറാവാത്തത് വ്യാപക പ്രതിഷേധത്തിന് കാരണമായിട്ടുണ്ട്. ഇത്രയും വൃത്തിയില്ലാത്ത സ്ഥലങ്ങളില് മാംസം വില്പ്പന സാക്രമികരോഗങ്ങളും മറ്റും പടര്ന്നുപിടിക്കാന് വഴിയൊരുക്കുമെന്നിരുന്നിട്ടും നഗരസഭാ അധികൃതര് ഇത്തരക്കാരെ സഹായിക്കുന്ന നിലപാടാണ് സ്വീകരിക്കുന്നതെന്ന് നാട്ടുകാര് പറയുന്നു. നഗരത്തിലെ നിരവധി ഹോട്ടലുകള്ക്കും മറ്റും ഇറച്ചി ലഭ്യമാക്കുന്നത് ഇവിടെ നിന്നാണെന്നതിനാല് വൃത്തിശൂന്യമായ അന്തരീക്ഷത്തെ നാട്ടുകാരെ മാത്രമല്ല നഗരത്തിലെ ഹോട്ടലുകളേയും മറ്റും ആശ്രയിക്കുന്ന മറ്റ് നാട്ടുകാരേയും ഗുരുതരമായി ബാധിക്കും.
കാലവര്ഷം കൂടി ആരംഭിച്ചതോടെ മാലിന്യങ്ങള് പ്രദേശത്താകെയൊഴുകിയെത്തി പകര്ച്ചവ്യാധികള്ക്കും മറ്റും വഴിയൊരുക്കുമോ ഈ അറവുശാലയെന്ന ആശങ്കയിലാണ് നാട്ടുകാര്. വൃത്തിഹീനമായ അന്തരീക്ഷത്തില് പ്രവര്ത്തിക്കുന്ന അറവുശാലയ്ക്കെതിരെ നഗരസഭാ അധികൃതര് അടിയന്തിരമായി ഇടപെടണമെന്നാണ് നാട്ടുകാരുടെ ആവശ്യം.
