പിലാത്തറ: വിദ്യാഭ്യാസ മേഖലയിലും സാധുജന സേവന രംഗത്തും മാതൃകാപരമായ പ്രവര്ത്തനം നടത്തി വരുന്ന ജെസ്യൂട്ട് സൊസൈറ്റിക്കും അനുബന്ധ സ്ഥാപനങ്ങളായ പരിയാരം ഏമ്പേറ്റിലെ നിര്മ്മല പ്രൈവറ്റ് ഐടിഐ, എസ്എംഫാം എന്നിവയ്ക്ക് എതിരെ ചില തല്പരകക്ഷികള് കുപ്രചരണം നടത്തുന്നതായി ഭാരവാഹികള് വാര്ത്താസമ്മേളനത്തില് ആരോപിച്ചു. സൊസൈറ്റിയുടെ അഭ്യുദയകാംക്ഷിയായിരുന്ന സാമുവേല് ആരോണില് നിന്നും ദാനധാരമായി പരിയാരം വില്ലേജില് ലഭിച്ച 170 ഏക്കര് ഭൂമിയില് ഗവ: ഹൈസ്കൂള് മൈതാനം, പഞ്ചായത്ത് റോഡ്, ഭൂരഹിതര്ക്ക് ഭവന നിര്മ്മാണം, തീയ്യ സമുദായ സ്മശാനം എന്നിവയ്ക്ക് ഏകദേശം 45 ഏക സ്ഥലം ദാനമായി നല്കിയിട്ടുണ്ട്. ശേഷിക്കുന്ന സ്ഥലം ഉപയോഗിച്ച് ആയിരക്കണക്കിന് വിദ്യാര്ത്ഥികള്ക്ക് സാങ്കേതിക വിദ്യാഭ്യാസം നല്കിയ നിര്മ്മല ഐടിഐയും ഇരുന്നൂറില് പരം പശുക്കളുമായി സഭാ മാതാ ഡയറി ഫാമും പ്രവര്ത്തിച്ചു വരുന്നു. എന്നാല് മേല് സ്ഥലത്ത് അവകാശവാദവുമായി ചില സ്ഥാപിത താല്പര്യക്കാര് കടന്ന് വന്ന് പ്രശ്നങ്ങള് ഉണ്ടാക്കുകയും ദുരാരോപണങ്ങള് അഴിച്ചുവിട്ട് സമൂഹത്തില് സ്പര്ദ്ദ ഉണ്ടാക്കാന് ശ്രമിക്കുന്നതായും ഇത് ജനങ്ങള് തിരിച്ചറിയണമെന്നും ബന്ധപ്പെട്ടവര് അറിയിച്ചു. വാര്ത്താസമ്മേളനത്തില് ഐടിഐ മാനേജര് ഫാ: ജേക്കബ് ഉമ്മിണിയില്, പ്രിന്സിപ്പാള് ഫാ:ജോ മാത്യു, വൈസ്.പ്രിന്സിപ്പാള് ഫാ: ജോസ് ,സീനിയര് ഇന്സ്ട്രക്ടര് സി.എച്ച്.അജിത്ത്, ഇന്സ്ട്രക്ടര് പി.വി.പ്രേമരാജന് എന്നിവര് പങ്കെടുത്തു.
ജെസ്യൂട്ട് സൊസൈറ്റിക്കെതിരെ കുപ്രചരണം നടത്തുന്നെന്ന് പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.