കൊട്ടാരക്കര: ഇടിമിന്നലിലും കാറ്റിലും കൊട്ടാരക്കര യില് വ്യാപകമായ നാശം. മൈലം വില്ലേജില് മാത്രം 30 വീടുകള്ക്കു നാശമുണ്ടായി. മുപ്പതോളം സ്ഥലങ്ങളില് ഇലക്ട്രിക് ലൈനുകള് തകര്ന്നു. ഇരുപത് പോസ്റ്റുകള് തകര്ന്നു. വൈദ്യുതി ബന്ധം തകരാറിലായി. മൈലം, പള്ളിക്കല്, കോട്ടാത്തല, കൊട്ടാരക്കര പ്രദേശങ്ങളിലുണ്ടായ നാശത്തിന്റെ തോത് വലുതാണ്. കോട്ടാത്തല മരുതൂര് ജങ്ഷന് സമീപം പള്ളിയില്വീട്ടില് തുളസീധരന്പിള്ളയുടെ വീടിനു മുകളില് മരംവീണു. അമ്പലപ്പുറം പാങ്ങോട് ഭാഗത്ത് ഇടിമിന്നലേറ്റ് നിരവധി വീടുകളിലെ വൈദ്യുതോപകരണങ്ങള് നശിച്ചു. ഗിരീഷ്’വനില് മോഹനന്പിള്ളയുടെ വീടിന്റെ ഭിത്തികള് വിണ്ടുകീറുകയും കിണറിന്റെ തൂണുകള് തകരുകയും ചെയ്തു. പള്ളിക്കല്, ചെമ്പന്പൊയ്ക, മണ്ണറ, ഗുരുമന്ദിരം പ്രദേശങ്ങളളില് പതിനഞ്ച് വീടുകളുടെ മുകളിലേക്ക് മരങ്ങള് വീണു. വീടുകള്ക്ക് ഭാഗികമായി നാശനഷ്ടങ്ങള് ഉണ്ടായി. കാര്ഷികനാശം വലിയതോതില് ഉണ്ടായിട്ടുണ്ട് വയലേലകളിലെ വാഴ, മരച്ചീനി കൃഷികള് പൂര്ണ്ണമായും നശിച്ചു. കോട്ടാത്തല പെരുംകുളം ഭാഗങ്ങളിലും കാറ്റേ നാശം വിതച്ചു. നഷ്ടം കണക്കാക്കി വരുന്നു.
ഇടിമിന്നലില് വ്യാപകനഷ്ടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.