തേനി: തമിഴ്നാട്ടിലെ തേനിയില് വാഹനാപകടത്തില് നാല് മരണം. മലപ്പുറം അഴിഞ്ഞിലം സ്വദേശികളായ കളത്തില്ത്തൊടി വീട്ടില് അബ്ദുല് റഷീദ് (42), ഭാര്യ റസീന (34), ഇവരുടെ മക്കളായ നാമിയ, ഫാസില് എന്നിവരാണ് മരിച്ചത്. ഗുരുതരമായി പരിക്കേറ്റ അബ്ദുള് റഷീദിന്റെ മറ്റൊരു മകന് ഫായിസ് ആശുപത്രിയില് ചികിത്സയിലാണ്.
ഇന്നു പുലര്ച്ചെയാണ് അപകടം നടന്നത്. ചെന്നൈയില് ജോലിചെയ്തിരുന്ന അബ്ദുല് റഷീദും കുടുംബവും തേനിയിലേക്ക് വിനോദയാത്രയ്ക്കായി പോയതായിരുന്നു. വത്തലഗുണ്ടില് വച്ച് ഇവര് സഞ്ചരിച്ച കാറില് ലോറിയിടിക്കുകയായിരുന്നു. അപകട വിവരമറിഞ്ഞ് ബന്ധുക്കള് തേനിയിലേക്ക് തിരിച്ചിട്ടുണ്ട്. മൃതദേഹങ്ങള് തേനിയിലെ ആശുപത്രിയില് സൂക്ഷിച്ചിരിക്കുകയാണ്.
