ലണ്ടന്: റോക് വിസ്മയം ദി ബീറ്റില്സ് സംഘത്തിന്റെ ഇന്നോളം കണ്ടിട്ടില്ലാത്ത ചിത്രങ്ങള് ലേലത്തില് വിറ്റത് രണ്ട് കോടിമുപ്പത്തിരണ്ട് ലക്ഷം രൂപയ്ക്ക്. ഫോട്ടോഗ്രാഫര് മൈക്ക് മിച്ചല് പകര്ത്തിയ ചിത്രങ്ങള് ഇംഗ്ലണ്ടിലാണ് ലേലം ചെയ്തത്. 1964ല് ആദ്യ സംഗീത പരിപാടി അവതരിപ്പിക്കാന് വാഷിങ്ടണ് ഡിസിയിലും ബാല്ട്ടിമോറിലും എത്തിയപ്പോഴുള്ള ചിത്രങ്ങളാണിത്. അന്നത്തെ 413 നെഗറ്റീവുകളില് 46 എണ്ണം മാത്രമേ 2011ല് നടന്ന ലേലത്തില് പ്രദര്ശിപ്പിച്ചിരുന്നുള്ളൂ മറ്റുള്ളവയാണ് ഇപ്പോള് ലേലത്തിനു വെച്ചത്.
ചിത്രങ്ങളെടുക്കുമ്പോള് പതിനെട്ട് വയസ്സ് മാത്രമായിരുന്നു മിച്ചലിന്റെ പ്രായം. പോള് കര്ട്ട്ണി, ജോണ് ലെനന്, ജോര്ജ് ഹാരിസണ്, റിങ്ങോ സ്റ്റാര് എന്നീ നാല്വര് സംഘം എഡ് സള്ളിവന് ഷോയില് നടത്തിയ പ്രശസ്തമായ പ്രകടനം കണ്ടാണ് മിച്ചല് അവരിലേക്ക് ആകൃഷ്ടനായത്. വാഷിങ്ടണ് ഡിസിയില് പരിപാടി നടന്നുകൊണ്ടിരിക്കെ മിച്ചല് വേദിയില് കയറി എടുത്ത ചിത്രങ്ങളും ലേലത്തില് വെച്ചിരിന്നു. 1984ല് ഹാരിസണ് സ്വന്തമാക്കിയ കറുത്ത മേഴ്സിഡസ് എഎംജി 40 ലക്ഷം രൂപയ്ക്ക് ലേലത്തില് വിറ്റു.
