കൊച്ചി: മുഖ്യമന്ത്രി പിണറായി വിജയന് ചെന്നൈക്ക് പോയതെന്തിന്. ചികിത്സയ്ക്കാണെന്ന് ഒരുപക്ഷം. അതല്ല, കമല് ഹാസനെ സന്ദര്ശിക്കാനാണെന്ന് മറ്റൊരു വിശദീകരണം. ഭാര്യയുടെ ചികിത്സയ്ക്കാണെന്ന് ഇനിയൊരു അറിയിപ്പ്. മുഖ്യമന്ത്രിയുടെ ആരോഗ്യനിലയില് അഭ്യൂഹങ്ങള് പ്രചരിക്കുകയാണ്. അതിനിടെ കമല് ഹാസനും പിണറായിയും ചെന്നൈ ഗസ്റ്റ് ഹൗസില് കൂടിക്കാഴ്ച നടത്തുന്ന ചിത്രം മുഖ്യമന്ത്രിയുടെ ഫേസ്ബുക്കില് വന്നതോടെ ആശങ്കകള് നീങ്ങി.
ഇന്നലെ കാലത്താണ് ചെന്നൈ അപ്പോളോ ആശുപത്രിയുടെ ഔദേ്യാഗിക അറിയിപ്പുവന്നത്. മാര്ച്ച് രണ്ടിന് അര്ദ്ധരാത്രി 11.55 ന് മുഖ്യമന്ത്രി പിണറായി വിജയനെ ”പതിവ് പരിശോധനകള്ക്ക്” ആശുപത്രിയില് പ്രവേശിപ്പിച്ചെന്ന് ആശുപത്രി ബുള്ളറ്റിന് അറിയിച്ചു.
തുടര്ന്ന് കാലത്തു മുതല് അന്വേഷണങ്ങള് വന്നു. ഇതിനിടെ ചില മാദ്ധ്യമങ്ങള് മുഖ്യമന്ത്രിയെ മൂത്രാശയ രോഗ ചികിത്സയ്ക്കാണ് പ്രവേശിപ്പിച്ചിരിക്കുന്നതെന്നും വാര്ത്തവന്നു. ആശുപത്രിയില് പ്രവേശിപ്പിച്ചെന്ന കാര്യം മുഖ്യമന്ത്രിയുടെ ഓഫീസ് (സിഎംഒ) സ്ഥിരീകരിച്ചതായി ഇംഗ്ലീഷ് പത്രങ്ങള് റിപ്പോര്ട്ട് ചെയ്തു. കേരളത്തിലെ മാദ്ധ്യമങ്ങള് ഈ വാര്ത്ത കാര്യമായി ച്രചരിപ്പിച്ചില്ല.
അതിനിടെ, മുഖ്യമന്ത്രിയുടെ ഭാര്യയുടെ ചികിത്സയ്ക്കാണ് ചെന്നൈയ്ക്ക് പോയതെന്ന് സിഎംഒയില്നിന്ന് പ്രചാരണം വന്നു. ഇതോടെ കൂടുതല് ആശയക്കുഴപ്പത്തിനിടയാക്കി. ത്രിപുരയിലെ സിപിഎം തോല്വിയെക്കുറിച്ചോ മറ്റ് തെരഞ്ഞെടുപ്പ് ഫലത്തെക്കുറിച്ചോ മുഖ്യമന്ത്രിയുടെ പ്രതികരണമൊന്നും വരാഞ്ഞത് കൂടുതല് ആശങ്കയ്ക്ക് ഇടയാക്കി.
ഒടുവില് ഏഴര മണിയോടെ നടന് കമല്ഹാസനുമായി മുഖ്യമന്ത്രി ചെന്നൈ ഗസ്റ്റ് ഹൗസില് കൂടിക്കാഴ്ച നടത്തുന്ന ചിത്രം മുഖ്യമന്ത്രിയുടെ ഫേസ് ബുക്കില് വന്നതോടെയാണ് ആശങ്കകള്ക്കും ദുരൂഹതകള്ക്കും അവസാനമായത്. എന്നാല്, മുഖ്യമന്ത്രിയുടെ ആരോഗ്യം സംബന്ധിച്ച യഥാര്ത്ഥ ചിത്രം ഇനിയും വ്യക്തമല്ല.
