കൊല്ലം: ഭക്തിയില് കുതിര്ന്ന് പുതിയകാവില് ആദിദേവതാ പുനഃപ്രതിഷ്ഠ. കാലങ്ങള് നീണ്ട തപസിന്റെ ഫലമെന്നോണം അഷ്ടഭുജങ്ങളോടുകൂടിയായ ആദിദേവതയുടെ പുനഃപ്രതിഷ്ഠാകര്മ്മം ഇന്നലെ പുലര്ച്ചെ നടന്നു. രക്തചന്ദനത്തില് തീര്ത്ത ദാരുശില്പമാണ് പ്രതിഷ്ഠിക്കപ്പെട്ടത്.
തുടര്ന്ന് നടന്ന സാംസ്കാരിക സമ്മേളനം ആര്എസ്എസ് കൊല്ലം മഹാനഗര് സംഘചാലക് ആര്. ഗോപാലകൃഷ്ണന് ഉദ്ഘാടനം ചെയ്തു. ലോകം അശാന്തമാക്കുന്നത് ചില മതങ്ങളുടെ പിന്തുണയുള്ള തീവ്രവാദപ്രവര്ത്തനങ്ങളാണെന്ന് അദ്ദേഹം ഓര്മ്മിപ്പിച്ചു. ഐഎസ് അടക്കമുള്ള ഭികരസംഘങ്ങള് മതത്തെയാണ് ആധാരമാക്കുന്നത്. ഭാരതീയമതങ്ങള് യുദ്ധത്തെ പ്രോത്സാഹിപ്പിക്കുന്നവയല്ലെന്ന് അദ്ദേഹം പറഞ്ഞു.ഹിന്ദുത്വം ജീവിക്കുന്നത് ലോകത്തിന് വേണ്ടിയാണെന്ന് അനുഗ്രഹപ്രഭാഷണം നടത്തിയ സംബോധ് ഫൗണ്ടേഷന് ആചാര്യന് സ്വാമി അദ്ധ്യാത്മാനന്ദസരസ്വതി പറഞ്ഞു. ജീവിതത്തെ ആസകലം ആസൂത്രണം ചെയ്യുന്ന ഒരു ജീവന വ്യവസ്ഥയാണത്. അതുകൊണ്ടാണ് ജീവിതവും സമാധാനവും തകര്ന്ന ലോകം ഭാരതത്തിലേക്ക് ഉറ്റുനോക്കുന്നത്. ഉപരിപ്ലവമായ മാറ്റങ്ങള് പരിഷ്കാരങ്ങള് മാത്രമാണ്. അത് നന്മയുടെ മാനദണ്ഡമല്ല. സാമൂഹികവും സാംസ്കാരികവുമായ ക്ഷതങ്ങളില് നിന്ന് ത്രാണനം ചെയ്യുന്നവയാകണം ക്ഷേത്രങ്ങളെന്ന് അദ്ദേഹം ഓര്മ്മിപ്പിച്ചു. ക്ഷേത്രഭരണസമിതി പ്രസിഡന്റ് ഡോ:ജി. മോഹന് അദ്ധ്യക്ഷത വഹിച്ചു. ആദിദേവതാ ക്ഷേത്രകോവില് ശില്പി ചന്തിരൂര് വട്ടേഴത്ത് മോഹനന് ആചാരി, ദാരുശില്പം തീര്ത്ത പ്രശാന്ത് ചെറുതാഴം, ജീവന് പയ്യന്നൂര് എന്നിവരെ ആദരിച്ചു. അമൃതാനന്ദമയീമഠത്തിലെ സ്വാമി വേദാമൃത ചൈതന്യ, ഭരണസമിതി സെക്രട്ടറി എം.വി. സോമയാജി, വൈസ്പ്രസിഡന്റ് ശ്രീകേശ് പൈ എന്നിവര് സംസാരിച്ചു.
