തിരുവനന്തപുരം: അമ്പലങ്ങളിലെ ആചാരാനുഷ്ഠാനങ്ങള് പാലിക്കപ്പെടണമെന്നും അതില് വിട്ടുവീഴ്ച പാടില്ലെന്നും തിരുവിതാംകൂര് ദേവസ്വം ബോര്ഡ് മെമ്പര് കെ.പി. ശങ്കരദാസ്. ബാലരാമപുരം തലയല് മേജര് ഭരദ്വാജ ഋഷീശ്വര മഹാദേവക്ഷേത്രത്തിലെ മഹാശിവരാത്രി ഉത്സവത്തോടനുബന്ധിച്ച് നടന്ന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
വിശ്വാസികള് മനോവിഷമം മാറ്റാനും അവരുടെ കഷ്ടപ്പാടുകള് ഇറക്കിവയ്ക്കാനും അമ്പലങ്ങളെ ആശ്രയിക്കുന്നു. ആഴത്തിലുള്ള വികാരമാണ് അവരുടെ വിശ്വാസം. ഐഎസ്ആര്ഒയിലെ ശാസ്ത്രജ്ഞന്മാര് പോലും റോക്കറ്റ് വിക്ഷേപണത്തിന് മുമ്പ് നാളികേരം ഉടയ്ക്കുന്നതും പൂജയും പ്രാര്ഥനകളും നടത്തുന്നതും വിശ്വാസത്തിന്റെ ഭാഗമാണെന്ന് ശങ്കരദാസ് കൂട്ടിച്ചേര്ത്തു.
ക്ഷേത്രോപദേശകസമിതി പ്രസിഡന്റ് പി. കരുണാകരന് അധ്യക്ഷത വഹിച്ചു. സ്വര്ണക്കൊടിമര നിര്മാണകമ്മിറ്റി ചെയര്മാന് വി. ഹരികുമാര്, ക്ഷേത്ര സബ്ഗ്രൂപ്പാഫീസര് എസ്.പി. പ്രജിത്കുമാര്, ക്ഷേത്രഉപദേശക സമിതി സെക്രട്ടറി വി.എല്. പ്രദീപ്, അസി. കമ്മീഷണര് ബി. മധുസൂദനന് നായര് എന്നിവര് സംസാരിച്ചു.
