അഫ്ഗാനിസ്ഥാന്‍, ന്യൂസിലന്‍ഡ് വിജയം നേടി

ക്രൈസ്റ്റ്ചര്‍ച്ച്: ഐസിസി അണ്ടര്‍ -19 ലോകകപ്പിന്റെ ഉദ്ഘാടന മത്സരത്തില്‍ അഫ്ഗാനിസ്ഥാന് വിജയം. പാക്കിസ്ഥാനെ അവര്‍ അഞ്ചു വിക്കറ്റിന് തോല്‍പ്പിച്ചു.

ഉദ്ഘാടന ദിനത്തിലെ മറ്റൊരു മത്സരത്തില്‍ ആതിഥേയരായ ന്യൂസിലന്‍ഡ് വെസ്റ്റ് ഇന്‍ഡീസിനെ പരാജയപ്പെടുത്തി.

റസൂലി പുറത്താകാതെ നേടിയ 76 റണ്‍സിന്റെ മികവിലാണ് അഫ്ഗാനിസ്ഥാന്‍ പാക്കിസ്ഥാനെ തോല്‍പ്പിച്ചത്. ആദ്യം ബാറ്റ് ചെയ്ത പാക്കിസ്ഥാന്‍ 47.4 ഓവറില്‍ 188 റണ്‍സിന് പുറത്തായി. പാക്കിസ്ഥാനുവേണ്ടി നസീര്‍ 81 റണ്‍സോടെ ടോപ്പ് സ്‌കോററായി.

അനായാസ വിജയം ലക്ഷ്യമിട്ടിറങ്ങിയ അഫ്ഗാനിസ്ഥാന്‍ 47.3 ഓവറില്‍ അഞ്ചു വിക്കറ്റ് 194 റണ്‍സ് നേടി വിജയം സ്വന്തമാക്കി. പാക്കിസ്ഥാന്‍ ബൗളര്‍ ഖാന്‍ പത്ത് ഓവറില്‍ 45 റണ്‍സിന് രണ്ട് വിക്കറ്റ് വീഴ്‌ത്തി.

ഫിന്‍ അലന്റെ സെഞ്ചുറിയിലാണ് ന്യൂസിലന്‍ഡ് വെസ്റ്റ് ഇന്‍ഡീസിനെ എട്ട് വിക്കറ്റിന് തോല്‍പ്പിച്ചത്. 234 റണ്‍സിന്റെ വിജയ ലക്ഷ്യത്തിനായി ബാറ്റേന്തിയ ന്യൂസിലന്‍ഡ് 39.3 ഓവറില്‍ രണ്ട് വിക്കറ്റ് മാത്രം നഷ്ടപ്പെടുത്തി വിജയം പിടിച്ചെടുത്തു. ഫിന്‍ അലന്‍ 115 റണ്‍സുമായി കീഴടങ്ങാതെ നിന്നു.

ആദ്യം ബാറ്റ് ചെയ്ത വെസ്റ്റ്ഇന്‍ഡീസ് 50 ഓവറില്‍ എട്ട് വിക്കറ്റിന് 233 റണ്‍സ് എടുത്തു. സിമണ്‍സ് 92 റണ്‍സുമായി പുറത്താകാതെ നിന്നു.

ന്യൂസിലന്‍ഡ് ബൗളര്‍ രവീന്ദ്ര മുപ്പത് റണ്‍സിന് മൂന്ന് വിക്കറ്റുകള്‍ വീഴ്‌ത്തി.