കൊച്ചി: ഇന്ത്യന് സൂപ്പര് ലീഗിലെ കേരള ബ്ലാസ്റ്റേഴ്സിന്റെ മോശം പ്രകടനത്തിന് പിന്നാലെ ടീമിന് വീണ്ടും തിരിച്ചടി. കഴിഞ്ഞ ദിവസം നടന്ന മത്സരത്തില് ബംഗളൂരു എഫ്.സിക്കെതിരെ കനത്ത തോല്വി നേരിട്ടതിന് പിന്നാലെ കോച്ച് റെനി മ്യൂലന്സ്റ്റിന് രാജിവച്ചു. വ്യക്തിപരമായ കാരണങ്ങളാലാണ് രാജിയെന്നാണ് മ്യൂലന്സ്റ്റിന് വ്യക്തമാക്കി.
2015 സീസണിലും ബ്ലാസ്റ്റേഴ്സില് സമാന സംഭവം അരങ്ങേറിയിരുന്നു. അന്ന് മുഖ്യപരിശീലകന് പീറ്റര് ടെയ്ലറാണ് സ്ഥാനമൊഴിഞ്ഞത്. ബ്ലാസ്റ്റേഴ്സ് നേരിട്ട തുടര്ച്ചയായ തോല്വികളുടെ ഉത്തരവാദിത്വം ഏറ്റെടുത്താണ് ടെയ്ലര് ഒഴിഞ്ഞത്.
സഹപരിശീലകനായ ട്രവര് മോര്ഗനെ പകരം ചുമതലയേല്പ്പിച്ചായിരുന്നു ടെയ്ലറുടെ മടക്കം. എല്ലാ കളികളിലും ഫോര്മേഷനില് മാറ്റം വരുത്തിയ ടെയ്ലര്ക്ക് ആറു മത്സരങ്ങളില്നിന്ന് നാല് തോല്വിയും ഒരു സമനിലയും ഒരു ജയവുമാണ് നേടാനായത്. ഇതോടെയാണ് ടെയ്ലറുടെ തൊപ്പിതെറിച്ചത്.
