കോട്ടയം: കാര്ഷിക മേഖലക്ക് കൈത്താങ്ങായി കേന്ദ്ര സര്ക്കാരിന്റെ പദ്ധതികള് ജനപ്രിയമേറുന്നു. കാര്ഷിക ആവശ്യങ്ങള്ക്കായി യന്ത്രോപകരണങ്ങള് വാങ്ങാന് സബ്സ്ഡി നല്കുന്ന സബ് മിഷന് അഗ്രിക്കള്ച്ചര് മെഷ്യനൈസേഷന് (എസ്എംഎഎം) പദ്ധതി കര്ഷകര്ക്കും കര്ഷക സംഘങ്ങള്ക്കും ഏറെ ഗുണകരമാണ്.12 ലക്ഷം രൂപക്ക് വാങ്ങുന്ന കാര്ഷിക യന്ത്രോപകരണത്തിന് 10 ലക്ഷം രൂപ സബ്സിഡി കിട്ടുന്നു.80 ശതമാസം സബ്സിഡിയാണ് സര്ക്കാര് നല്കുന്നത്.രജിസ്ട്രേഡ് സംഘങ്ങള്ക്കും കര്ഷക സംഘങ്ങള്ക്കും സഹകരണ സംഘങ്ങള്ക്കുമാണ് സബ്സിഡി നല്കുക.
കൃഷിഭവന് മുഖേന നടപ്പിലാക്കുന്ന ഈ പദ്ധതി ജില്ലയില് അഞ്ചോളം സഹകരണ ബാങ്കുകളും കാര്ഷിക സ്വയം സഹായ സംഘങ്ങളും വിവിധ തരത്തിലുള്ള യന്ത്രങ്ങള് വാങ്ങിക്കഴിഞ്ഞു.അയര്ക്കുന്നം കൃഷിഭവന് മുഖേന തിരുവഞ്ചൂര് സര്വ്വീസ് സഹകരണ ബാങ്ക് 12 ലക്ഷം രൂപയുടെ ട്രാക്ടര് വാങ്ങി.ഇവര്ക്ക് 10 ലക്ഷം രൂപ സബ്സിഡി നല്കിയതായി ഉദ്യോഗസ്ഥര് പറഞ്ഞു..
അയര്ക്കുന്നത്ത് പ്രവര്ത്തിക്കുന്ന എ ഗ്രേഡ് വെജിറ്റബിള് സംഘത്തിനും വിവിധ യന്ത്രോപകണങ്ങള് നല്കി.ട്രാക്ടര്,ട്രില്ലര്,കളപറിക്കുന്ന യന്ത്രം,കൊയ്ത്തുമെതി യന്ത്രം ,സ്പ്രെയര് എന്നിങ്ങനെ വിവിധ ആവശ്യങ്ങള്ക്കുള്ള യന്ത്രോപകരണങ്ങള് സബ്സിഡി നിരക്കില് ലഭിക്കുന്നു.അഗ്രിക്കള്ച്ചര് പ്രിന്സിപ്പള് സെക്രട്ടറി ചെയര്മാനായ സംസ്ഥാന തല കമ്മിറ്റിയും ജില്ലാ കളക്ടര് ചെയര്മാനായ ജില്ലാ തല കമ്മിറ്റിയുമാണ് പദ്ധതിയുടെ നിരീക്ഷകര്.
ജില്ലാ സമിതിയില് കര്ഷകരെയും കാര്ഷിക വിദഗ്ദ്ധരെയും ഉള്പ്പെടുത്തണമെന്ന് നിഷ്കര്ഷിക്കുന്നു.കാര്ഷിക മേഖലക്ക് ഉണര്വ്വേകുന്ന വിവിധ പദ്ധതികളാണ് കേന്ദ്ര സര്ക്കാര് നടപ്പിലാക്കുന്നത്. ഇതൊന്നും കര്ഷകര് അറിയുന്നില്ലെന്നതാണ് യഥാര്ത്ഥ പ്രശ്നം. പദ്ധതികള്ക്ക് സര്ക്കാരും കൃഷി വകുപ്പും വേണ്ട പ്രചാരം കൊടുക്കാത്താണ് പ്രശ്നം.
സംസ്ഥാന കൃഷിവകുപ്പിന് യന്ത്രങ്ങള് കേരളത്തിന് പുറത്ത് നിന്ന് കൊണ്ടുവരാനാണ് താല്പര്യം. കൊയ്ത്ത് സമയത്ത് നൂറുകണക്കിന് യന്ത്രങ്ങളാണ് തമിഴ് നാട്ടില് നിന്ന് എത്തുന്നത്. അതേ സമയം കൃഷി വകുപ്പും ജില്ലാ പഞ്ചായത്തും വാങ്ങിയ ഉപകരണങ്ങള് തുരുമ്പെടുത്ത് ഉപയോഗശൂന്യാമയിരിക്കുകയാണ്. ലക്ഷങ്ങളാണ് ഇങ്ങനെ പാഴായത്.
