കോട്ടയം: ജില്ലയില് രാഷ്ടീയ പാര്ട്ടികളും മറ്റു സംഘടനകളും പൊതുനിരത്തില് ജാഥയും പ്രകടനങ്ങളും നടത്തുന്നതിന് ആറ ്ദിവസം മുന്പ് നോട്ടീസ് നല്കി അനുമതി വാങ്ങണമെന്ന് ജില്ലാ പോലീസ് മേധാവി നിര്ദ്ദേശിച്ചു.
കഴിഞ്ഞ ദിവസം എസ്എഫ്ഐ പ്രവര്ത്തകര് അനുമതിയില്ലാതെ പ്രകടനം നടത്തി ഗതാഗതം സ്തംഭിപ്പിച്ചത് വിവാദമായ സാഹചര്യത്തിലാണ് നടപടി. പരിപാടിയുടെ കാര്യകാരണങ്ങള്, പങ്കെടുക്കുന്ന ആളുകളുടെ എണ്ണം എന്നിവയും അറിയിക്കണം.
പ്രകടനം നടത്തുമ്പോള് റോഡിന് കുറുകേ ബാനറുകള് പ്രദര്ശിപ്പിച്ച് ഗതാഗതം തടസ്സം ഉണ്ടാക്കരുത്.റോഡജരികിലും ഡിവൈഡറുകളിലും ഗതാഗതത്തിന് തടസ്സമാകുന്ന വിധത്തില് കൊടിതോരണങ്ങള്, ഫ്ളക്സ്, ബോര്ഡുകള് എന്നിവയും വയ്ക്കാന് പാടില്ല. ജാഥ കടന്ന് പോകുമ്പോള് വാഹനങ്ങള്ക്കും കാല്നട യാത്രക്കാര്ക്കും തടസ്സമുണ്ടാക്കാന് പാടില്ലെന്നും നിര്ദ്ദേശിച്ചിട്ടുണ്ട്.റോഡ് മുറിച്ച് കടക്കാനുള്ള സൗകര്യവും ഒരുക്കണം.
ആയുധങ്ങളോ, മാരാകയുധങ്ങളായി ഉപയോഗിക്കാവുന്ന ഉപകരണങ്ങളോ കൈവശം വയ്ക്കാന് പാടില്ല. വഴിയാത്രക്കാര്ക്ക് ബുദ്ധിമുട്ടുണ്ടാക്കുന്ന ധര്ണ്ണ, പിക്കറ്റിംഗ് എന്നിവ നടത്താന് പാടില്ലെന്നും ഉത്തരവിലുണ്ട്.
