ആലപ്പുഴ: നഗരത്തില് ഏറ്റവും തിരക്കേറിയ തോണ്ടന്കുളങ്ങര ജങ്ഷനില് ക്ഷേത്രത്തിനു മുന്വശം നടപ്പാത തകര്ന്നിട്ട് മാസങ്ങള്, പല തവണ നാട്ടുകാര് നഗരസഭയ്ക്ക് പരാതി നല്കിയെങ്കിലും ഫലമുണ്ടായില്ല.
ഓടയ്ക്ക് മുകളിലുള്ള തകര്ന്ന നടപ്പാതയില് ഇന്നലെ വികലാംഗനായ യാത്രക്കാരന് വീണു. ഓടിക്കൂടിയ മറ്റു യാത്രക്കാരാണ് രക്ഷപ്പെടുത്തിയത്. കാലു തെറ്റിയാല് നാലടിയോളം താഴ്ചയില് വീഴുന്ന അവസ്ഥയാണ് ഇവിടുത്തേത്.
നഗരസഭാ ചെയര്മാന് നേരിട്ട് നിന്ന് വെള്ളകെട്ട് ഒഴിവാക്കുവാന് പൊളിപ്പിച്ചതാണ് ഈ നടപ്പാത.
എന്നാല് പൊളിപ്പിച്ച ഈ നടപ്പാത നന്നാക്കുവാന് പരാതി നല്കി നാളിതുവരെ അദ്ദേഹമോ മറ്റ് അധികാരികളോ തയ്യാറായിട്ടില്ല. ആളുകള് ഇവിടെ വീഴുന്നത് തുടര്ക്കഥയായി.ഇനി ആരെങ്കിലും മരണപ്പെട്ടാലേ ചിലപ്പോള് അധികാരികള് ഉണരുകയുള്ളോയെന്നാണ് ചോദ്യം ഉയരുന്നത്.
