നിലമ്പൂര്‍: ബെവ്‌റിജസ് കോര്‍പ്പറേഷന്റെ എടക്കരയിലെ ഔട്ട്‌ലെറ്റ് വഴിക്കടവ് പഞ്ചായത്തിലെ 16-ാം വാര്‍ഡായ വരക്കുളത്തേക്ക് മാറ്റി സ്ഥാപിക്കാനുള്ള നീക്കത്തിനെതിരെ ജനകീയ സമരസമിതി രൂപീകരിച്ചു.
കെഎസ്ബിസിയുടെ ഈ ഔട്ട്‌ലെറ്റ് എടക്കര മേഖലയില്‍ തുറക്കാന്‍ പലതവണ ശ്രമിച്ചിട്ടും സാധിക്കാത്തതാണ് വഴിക്കടവ് മേഖലയിലേക്ക് മാറ്റി സ്ഥാപിക്കാന്‍ ഗൂഡാലോചന നടത്തുന്നതെന്ന് സമരസമിതി പറഞ്ഞു. യോഗത്തില്‍ സ്ത്രീകളും കുട്ടികളുമടക്കം അഞ്ഞൂറോളം പേര്‍ പങ്കെടുത്തു.
സമരസമിതി ഭാരവാഹികളായി അശോക് കുമാര്‍(ചെയര്‍മാന്‍), ജൂഡി തോമസ്(കണ്‍വീനര്‍), ഷാജി തെക്കന്‍ (ട്രഷറര്‍) , എ. എന്‍. ഗോപാലന്‍, ബിനീഷ് ജോസ്, അബ്ദുള്‍ റഹീമത്ത് (രക്ഷാധികാരികള്‍) തെരഞ്ഞെടുത്തു.
23 എക്‌സിക്യൂട്ടീവ് മെമ്പര്‍മാരെയും തെരഞ്ഞെടുത്തു. ജനവികാരം അവഗണിച്ച് ഔട്ട്‌ലെറ്റ് ഈ പ്രദേശത്തേക്ക് കൊണ്ടുവരാന്‍ ശ്രമിച്ചാല്‍ വരുംദിവസങ്ങളില്‍ ശക്തമായ സമരപരിപാടികള്‍ സംഘടിപ്പിക്കുമെന്ന് സമരസമിതി അറിയിച്ചു.
പ്രതികരിക്കാൻ ഇവിടെ എഴുതുക: