മലപ്പുറം: സിബിഎസ്ഇ സഹോദയ ജില്ലാ അത്‌ലറ്റിക് മീറ്റ് 8, 9, തീയതികളില്‍ കാലിക്കറ്റ് സര്‍വകലാശാല സിന്തറ്റിക്‌സ്‌റ്റേഡിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
62 വിദ്യാലയങ്ങളില്‍ നിന്ന് രണ്ടായിരത്തില്‍പരം കായിക താരങ്ങള്‍ പങ്കെടുക്കും. അണ്ടര്‍ 10, 12, 14 17, 19 എന്നീ അഞ്ച് വിഭാഗങ്ങളിലായാണ് മത്സരം. കായിക മേള കാലിക്കറ്റ് സര്‍വകലാശാല വൈസ് ചാന്‍സലര്‍ പി. കെ. മുഹമ്മദ് ബഷീര്‍ ഉദ്ഘാടനം ചെയ്യും. സഹോദയ പ്രസിഡന്റ് എം.അബ്ദുള്‍ നാസര്‍ അദ്ധ്യക്ഷത വഹിക്കും. ഒന്‍പതിന് വൈകിട്ട് അഞ്ചിന് സമാപന സമ്മേളനം നടക്കും. കാലിക്കറ്റ് സര്‍വ്വകലാശാല കായിക വിഭാഗം മേധാവി ഡോ. വി.പി. സക്കീര്‍ ഹുസൈന്‍ സമ്മാന വിതരണം നിര്‍വ്വഹിക്കും.
വാര്‍ത്താ സമ്മേളനത്തില്‍ സഹോദയ ജനറല്‍ സെക്രട്ടറി എം. ജൗഹര്‍, ഡോ. എ. എം. ആന്റണി, പി. മുഹമ്മദ് യാസിര്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: