വില്ലിങ്ങ്ടണ്: ന്യൂസിലന്ഡിനെതിരായ ആദ്യ ക്രിക്കറ്റ് ടെസ്റ്റില് വിന്ഡീസിന് ഇന്നിങ്ങ്സ് തോല്വി. ഒരിന്നിങ്ങ്സിനും 67 റണ്സിനുമാണ് കിവീസ് വിന്ഡീസിനെ പരാജയപ്പെടുത്തിയത്. ഒരു ദിവസത്തില് കൂടുതല് കളി ശേഷിക്കെയാണ് അവര് വിജയം പിടിച്ചത്.
ഒന്നാം ഇന്നിങ്ങ്സില് 386 റണ്സ് ലീഡ് വഴങ്ങിയ വിന്ഡീസ് രണ്ടാം ഇന്നിങ്ങ്സില് 319 റണ്സിന് പുറത്തായി. രണ്ടിന് 214 റണ്സെന്ന തലേദിവസത്തെ സ്കോറിന് കളി പുനരാരംഭിച്ച വിന്ഡീസിന്റെ അവസാന അഞ്ചു വിക്കറ്റുകള് 33 റണ്സിന് നിലം പൊത്തി.79 റണ്സുമായി കഴിഞ്ഞ ദിവസം പുറത്താകാതെ നിന്ന ബ്രാത്ത്വെയ്റ്റ് സെഞ്ചുറിക്ക് ഒമ്പതു റണ്സ് അകലെവെച്ച് പുറത്തായി.221 പന്ത് നേരിട്ട ബ്രാത്ത്വെയ്റ്റ് എട്ട് ഫോറും ഒരു സിക്സറും അടിച്ച് 91 റണ്സ് കുറിച്ചു.
ന്യൂസിലന്ഡിന്റെ ഹെന്റി 57 റണ്സിന് മൂന്ന് വിക്കറ്റ് വീഴ്ത്തി.ടോസ് നേടി ബാറ്റിങ്ങ് തെരഞ്ഞെടുത്ത വിന്ഡീസ് ഒന്നാം ഇന്നിങ്ങ്സില് 134 റണ്സിന് കീഴടങ്ങി. മറുപടിയായി ന്യൂസിലന്ഡ് ഒമ്പത് വിക്കറ്റിന് 520 റണ്സ് നേടി ഒന്നാം ഇന്നിങ്ങ്സ് അവസാനിപ്പിച്ചു.
സ്കോര്: വിന്ഡീസ്: 134, 319, ന്യൂസിലന്ഡ്: ഒമ്പത് വിക്കറ്റിന് 520
പ്രതികരിക്കാൻ ഇവിടെ എഴുതുക: