നിലമ്പൂര്‍: രണ്ടുകിലോ കഞ്ചാവുമായി ഒരാള്‍ നിലമ്പൂര്‍ എക്‌സൈസിന്റെ പിടിയിലായി. വണ്ടൂര്‍ വെള്ളാമ്പുറം കാവുങ്ങല്‍വീട്ടില്‍ ഷബീര്‍ എന്ന കുട്ടിമാന്‍(31) ആണ് അറസ്റ്റിലായത്.
ഏജന്റുമാരെ നിയോഗിച്ചാണ് ഇയാള്‍ കഞ്ചാവ് വിറ്റിരുന്നത്. കഴിഞ്ഞയാഴ്‌ച്ച അറസ്റ്റിലായ നിലമ്പൂര്‍ വീട്ടിക്കുത്ത് കരിമ്പനക്കല്‍ അജേഷ് ഇയാളുടെ ഏജന്റുമാരില്‍ പ്രധാനിയാണ്. കഞ്ചാവ് കടത്താന്‍ ഉപയോഗിച്ച ബൈക്കും പിടിച്ചെടുത്തു. എക്‌സൈസ് ഇന്‍സ്‌പെക്ടര്‍ സജിമോന്റെ നേതൃത്വത്തില്‍ പ്രവന്റീവ് ഓഫീസര്‍ ബിജു.പി.എബ്രഹാം, സിവില്‍ എക്‌സൈസ് ഓഫീസര്‍മാരായ കെ.എസ്.അരുണ്‍കുമാര്‍, കെ.എ.അനീഷ്, രാജന്‍ നെല്ലിയായി എന്നിവരും അന്വേഷണസംഘത്തിലുണ്ടായിരുന്നു. പ്രതിയെ കോടതി റിമാന്റ് ചെയ്തു.
പ്രതികരിക്കാൻ ഇവിടെ എഴുതുക: