കോട്ടയം: കുമാരനല്ലൂര് ദേവീ ക്ഷേത്രത്തിലെ തൃക്കാര്ത്തിക ദര്ശനം നാളെ നടക്കും. പുലര്ച്ചെ 3 മണിക്കാണ് തൃക്കാര്ത്തിക ദര്ശനം. കലാമണ്ഡപത്തില് വെളുപ്പിന് 4ന് നാമഘോഷവും നടക്കും.
ഇന്ന് രാവിലെ 6 ന് ആറാട്ട് കടവിലേക്ക് എഴുന്നെള്ളിപ്പ്, 7.45 ന് ഭരണി ആറാട്ട് തിരിച്ചഴുന്നള്ളിപ്പ്, 9ന് ഊട്ടുപുരയില് തൃക്കാര്ത്തിക മഹാപ്രസാദമൂട്ടിനുള്ള കറിക്കരിയല് സമാരംഭിക്കും. കൊച്ചി റേഞ്ച് ഐജി ബി. വിജയന് നിലവിളക്ക് തെളിയിക്കും.
10 മുതല് 12.30 വരെ മതില്ക്കകത്ത് അഞ്ച് പ്രദക്ഷിണത്തോടെ ഭരണി വളക്കും, മീനപ്പൂര പൊന്നാന ദര്ശനവും നടക്കും. തിരുമറയൂര് രാജേഷ് മാരാരുടെ നേതൃത്വത്തില് 50 ല് പരം കലാകാരന്മാര് പങ്കെടുക്കുന്ന ഭരണിമേളം നടക്കും. ഉച്ചക്ക് 12 ന് ഉത്സവബലി ദര്ശനം,2.30 ന് ഓട്ടന്തുള്ളല്, 3.30 ന് കവിയരങ്ങ്,രാത്രി 8 ന് വേല-ഭരണി വിളക്ക്-മീനപ്പൂരപൊന്നാന ദര്ശനം, 9 ന് ജ്യോത്സ്ന നയിക്കുന്ന ഭക്തിഗാനസുധ,10 ന് ഭരണി വിളക്ക്,12 ന് നീലമന സഹോദരിമാര് അവതരിപ്പിക്കുന്ന തൃത്തസമന്വയം.
മിഴാവില് തായമ്പക
ഇന്നലെ വൈകുന്നേരം കലാമണ്ഡലം രതീഷ് ഭാസിന്റെ നേത്വത്തില് അരങ്ങുണര്ത്തി നടന്ന മിഴാവില് തായമ്പക കലാ ആസ്വാദകര്ക്ക് വ്യത്യസ്തത സമ്മാനിച്ചു. ഇടയ്ക്ക, തിമില, ചെണ്ട, വലംതല, മദ്ദളം, ഇലത്താളം എന്നീ വാദ്യോപകരണങ്ങളും മിഴാവിന് ഒപ്പം പക്കമേളമൊരുക്കാനുണ്ടായിരുന്നു. ശ്രുതി ബാലയും സംഘവും അവതരിപ്പിച്ച നൃത്താഞ്ജലിയും അവതരിപ്പിക്കപ്പെട്ടു.
കാവ്യാരാമം കവിയരങ്ങ്
മണര്കാട്: തിരുവഞ്ചൂര് കാവ്യകഥാസംഗമ വേദിയുടെ ആഭിമുഖ്യത്തില് കാവ്യാരാമം കവിയരങ്ങിന്റെ പ്രതിമാസ സമ്മേളനം 3 ന് വൈകിട്ട് 2.30 ന് മണര്കാട് ഫൈന് ആര്ട്ട്സ് ഹാളില് നടക്കും.രക്ഷാധികാരി എബി പാലാത്ര അദ്ധ്യക്ഷനാകും.
