കണ്ണൂര്: ആരോഗ്യ കുടുംബക്ഷേമ വകുപ്പിന്റെ നേതൃത്വത്തിലുള്ള ലോക എയ്ഡ്സ് ദിനാചരണത്തിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡണ്ട് ക.വി.സുമേഷ് നിര്വ്വഹിച്ചു. എച്ച്ഐവി ബാധിതരെ ഒറ്റപ്പെടുത്തുന്നത് പരിഷ്കൃത സമൂഹത്തിന് ചേരുന്നതല്ല. രോഗികള് സമൂഹത്തിന്റെ കൂടി ഉത്തരവാദിത്തമാണ്. അവരെ ഭ്രഷ്ട് കല്പിച്ച് മാറ്റി നിര്ത്തുന്നതിനോട് ഒരു കാരണവശാലും യോജിക്കാനാവില്ല. എല്ലാ വ്യക്തികളുടെ ആരോഗ്യവും പരമപ്രധാനമാണ്. പരസ്പരം കരുതല് ഉണ്ടാവണം. എച്ച്ഐവി ബാധിതര്ക്ക് സമൂഹത്തിന്റെ പിന്തുണയുണ്ടെന്ന് ബോധ്യപ്പെടുത്താനുള്ള മനസ്സ്് നമുക്ക് ഉണ്ടാവണം. ഒരു വര്ഷക്കാലം വിദ്യാലയങ്ങളും യുവാക്കളെയും കേന്ദ്രീകരിച്ച് എയ്ഡ്സ് ബോധവത്കരണ പ്രവര്ത്തനങ്ങള് നടത്തുമെന്നും പ്രസിഡണ്ട് പറഞ്ഞു.ജില്ലാ കളക്ടര് മീര് മുഹമ്മദ് അലി മുഖ്യാതിഥിയായി. നഴ്സിംഗ് കോളജ് വിദ്യാര്ഥികള്ക്കായി നടത്തിയ സ്കിറ്റ് മത്സരത്തില് ഒന്നാം സ്ഥാനം നേടിയ കണ്ണൂര് കൊയിലി കോളജ് ഓഫ് നഴ്സിംഗ്, രണ്ടാം സ്ഥാനം നേടിയ പെരളശ്ശേരി എകെജി സ്മാരക സഹകരണ നഴ്സിംഗ് കോളജ്, മൂന്നാം സ്ഥാനം നേടിയ പരിയാരം എസിഎംഇ കോളജ് ഓഫ് നഴ്സിംഗ് എന്നീ ടീമുകള്ക്ക് ജില്ലാ കളക്ടര് ട്രോഫി സമ്മാനിച്ചു.എയ്ഡ്സ് ദിനാചരണത്തിന്റെ സന്ദേശവും ചിത്രീകരണവുമായി സംഘടിപ്പിച്ച ആകര്ഷകമായ ബോധവത്കരണ റാലി കളക്ടറേറ്റില്നിന്നാരംഭിച്ച് നഗരം ചുറ്റി ജില്ലാ പഞ്ചായത്ത് ഓഫീസില് സമാപിച്ചു. എന്സിസി, എസ്പിസി കാഡറ്റുകള്, എന്എസ്എസ് വളണ്ടിയര്മാര്, നഴ്സിംഗ് കോളജ് വിദ്യാര്ഥികള്, എച്ച്ഐവി, എയ്ഡ്സ് സന്നദ്ധ പ്രവര്ത്തകര്, രക്തദാന പ്രവര്ത്തകര് തുടങ്ങിയവര് പങ്കെടുത്ത റാലിക്ക് ജില്ലാ പഞ്ചായത്ത് പ്രസിഡണ്ട് നേതൃത്വം നല്കി. ദിനാചരണത്തിന്റെ ഭാഗമായി കോളജ് ഓഫ് കോമേഴ്സില് സന്നദ്ധ രക്തദാന ക്യാമ്പ്, റെയില്വേ സ്റ്റേഷന് പരിസരത്ത് ബോധവത്കരണ പ്രദര്ശനം എന്നിവയും നടത്തി.ജില്ലാ പഞ്ചായത്ത് ആരോഗ്യ-വിദ്യാഭ്യാസ സ്ഥിരം സമിതി ചെയര്മാന് കെ.പി.ജയബാലന് അധ്യക്ഷത വഹിച്ചു. എച്ച്ഐവി ജില്ലാ നോഡല് ഓഫീസര് ഡോ.എ.ടി.മനോജ് സ്വാഗതവും ഡെപ്യൂട്ടി ജില്ലാ എജുക്കേഷന് ആന്ഡ് മീഡിയ ഓഫീസര് അബ്ദുല് ലത്തീഫ് മഠത്തില് നന്ദിയും പറഞ്ഞു.
ജില്ലാതല എയ്ഡ്സ് ദിനാചരണംജില്ലാതല എയ്ഡ്സ് ദിനാചരണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.