സ്പിന്നില്‍ തകര്‍ന്ന് ലങ്ക

നാഗ്പ്പൂര്‍: അത്ഭുത വിജയത്തിനായി അരയും തലയും മുറുക്കിയിറങ്ങിയ ദിനേശ് ചണ്ടിമലിന്റെ ശ്രീലങ്കന്‍ ടീം ,രവീന്ദ്ര ജഡേജ- ആര്‍. അശ്വിന്‍ സ്പിന്‍ ദ്വയത്തിന് മുന്നില്‍ തകര്‍ന്ന് വീണു. രണ്ടാം ടെ്‌സ്റ്റിന്റെ ആദ്യ ഇന്നിങ്ങ്‌സില്‍ 205 റണ്‍സിന് അവര്‍ ബാറ്റ് താഴ്‌ത്തി.

മറുപടിപറയുന്ന ഇന്ത്യ ആദ്യ ദിനം കളിനിര്‍ത്തുമ്പോള്‍ ഒരു വിക്കറ്റ് നഷ്ടത്തില്‍ 11 റണ്‍സെടുത്തിട്ടുണ്ട്്. ഓപ്പണര്‍ രാഹുലിന്റെ (7) വിക്കറ്റാണ് നഷ്ടമായത്്. രണ്ട് റണ്‍സ് വീതം നേടി മുരളി വിജയും ചേതേശ്വര്‍ പൂജാരയും ക്രീസിലുണ്ട്.

ആര്‍ അശ്വിന്‍ 67 റണ്‍സിന് നാലു ശ്രീലങ്കന്‍ ബാറ്റ്‌സ്മാന്മാരെ കൂടാരം കയറ്റി. ജഡേജ 56 റണ്‍സിന് മുന്ന് പേരെ വീഴ്‌ത്തി. തകര്‍ത്തെറിഞ്ഞ പേസര്‍ ഇശാന്ത് ശര്‍മയ്‌ക്കും മൂന്ന്് വിക്ക്റ്റ് ലഭിച്ചു.37 റണ്‍സാണ് വിട്ടുകൊടുത്തത്. ടോസ് നേടി ബാറ്റ് ചെയ്ത ശ്രീലങ്കയ്‌ക്ക് തുടക്കം മുതലേ അടിയേറ്റു. ഓപ്പണര്‍ സമരവിക്രമയാണ് (13) ആദ്യം വീണത്. ശര്‍മയുടെ പന്തില്‍ പൂജാരയ്‌ക്ക് പിടികൊടുത്തു.തുടര്‍ന്നെത്തിയ തിരിമാനെയും വേഗത്തില്‍ മടങ്ങി. അശ്വിന്റെ പന്തില്‍ കുറ്റിതെറിച്ചു. പരിചയസമ്പന്നായ ഏയ്ഞ്ചലോ മാത്യൂസും (10) വീണതോടെ ശ്രീലങ്ക മൂന്ന് വിക്കറ്റിന് ആറുപത് റണ്‍സെന്ന നിലയിലായി.

ക്യാപ്റ്റന്‍ ദിനേശ് ചണ്ടിമലും ഓപ്പ്ണര്‍ കരുണരത്‌നയും പിടിച്ചുനിന്നതോടെ സ്‌കോര്‍ നൂറ് കടന്നു. നാലാം വിക്കറ്റില്‍ ഇവര്‍ 62 റണ്‍സ് കൂട്ടിചേര്‍ത്തു. കരുണരത്‌നയെ വിക്കറ്റിന് മുന്നില്‍ കുടുക്കി ശര്‍മയാണ് ഈ കൂട്ടുകെട്ട് തകര്‍ത്തത്. 147 പന്ത് നേരിട്ട കരുണരത്‌ന ആറു ഫോറുള്‍പ്പെടെ 51 റണ്‍സ് നേടി.തുടര്‍ന്നെത്തിയ ഡിക്ക്‌വെല്ലയും ചണ്ടിമലിന് പന്തുണ നല്‍കി. 24 റണ്‍സുമായാണ് ഡിക്ക്‌വെല്‍ മടങ്ങിയത്. ചണ്ടിമല്‍ 122 പന്തില്‍ നാലു ഫോറും ഒരു സിക്‌സറും പൊക്കി 57 റണ്‍സോടെ ടോപ്പ്് സ്‌കോററായി.

ആദ്യ ഇന്നിങ്ങ്‌സ് തുടങ്ങിയ ഇന്ത്യക്ക് ഏഴ് റണ്‍സിന് ഓപ്പണര്‍ രാഹുലിനെ നഷ്ടമായി. ഏഴുറണ്‍സെടുത്ത രാഹുലിനെ ഗാമേജ് ക്ലീന്‍ ബൗള്‍ഡാക്കി.

സ്‌കോര്‍ബോര്‍ഡ്: ശ്രീലങ്ക : ഒന്നാം ഇന്നിങ്ങ്‌സ്: സമരവിക്രമ സി പൂജാര ബി ശര്‍മ 13, കരുണരത്‌ന എല്‍ബിഡബ്‌ളിയു ശര്‍മ 51, തിരിമാനെ ബി അശ്വിന്‍ 9, മാത്യൂസ് എല്‍ബിഡബ്്‌ളിയു ജഡേജ 10, ചണ്ടിമല്‍ എല്‍ബിഡബ്‌ളിയു അശ്വിന്‍ 57, ഡിക്ക്‌വെല്ല സി ശര്‍മ ബി ജഡേജ 24, ശനാക ബി അശ്വിന്‍ 2, പെരേര എല്‍ബിഡബ്‌ളിയു ജഡേജ 15, ഹെറാത്ത് സി രഹാനെ ബി അശ്വിന്‍ 4, ലക്മല്‍ സി സാഹ ബി ശര്‍മ 17, ഗാമേജ് നോട്ടൗട്ട് 0,എക്‌സ്ട്രാസ്് 3 , ആകെ 205

വിക്കറ്റ് വീഴ്ച: 1-20, 2-44, 3-60, 4-122, 5-160, 6-165, 7-184, 8-184,9-205

ബൗളിങ്ങ്്: ഇയാന്‍ ശര്‍മ: 14-3-37-3, ഉമേഷ് യാദവ് 16-4-43-0, അശ്വിന്‍ 28.1- 7-67-4, ജഡേജ 21-4-56-3