തിരുവനന്തപുരം: കൗമാരപ്രതിഭകളുടെ ശാസ്ത്രകൗതുകങ്ങള്ക്ക് നിറംപകര്ന്ന റവന്യൂ ജില്ലാ ശാസ്ത്രോത്സവത്തിന് കൊടിയിറങ്ങി. സയന്സ് മേളയില് 142 പോയിന്റുകളോടെ കിളിമാനൂര് ഉപജില്ല ഓവറോള് ചാമ്പ്യന്ഷിപ്പ് സ്വന്തമാക്കി. ഗണിത ശാസ്ത്രമേളയില് ആറ്റിങ്ങല്, നെയ്യാറ്റിന്കര ഉപജില്ലകള് ഒന്നും രണ്ടും സ്ഥാനങ്ങള് നേടി. ആറ്റിങ്ങലിന് 316 പോയിന്റും നെയ്യാറ്റിന്കരയ്ക്ക് 299 പോയിന്റുമാണ് ലഭിച്ചത്. ഐടി വിഭാഗത്തില് 92 പോയിന്റ് വീതം നേടി ബാലരാമപുരം ഉപജില്ലയും തിരുവനന്തപുരം സൗത്തും ഒന്നാംസ്ഥാനം പങ്കുവച്ചു. 85 പോയിന്റോടെ തിരുവനന്തപുരം നോര്ത്ത് രണ്ടാം സ്ഥാനത്തുണ്ട്. പ്രവൃത്തി പരിചയ മത്സരങ്ങളില് 45,327 പോയിന്റോടെ നെയ്യാറ്റിന്കര ഉപജില്ലയും ഓവറോള് ചാമ്പ്യന്മാരായി.
സയന്സ്മേളയില് എച്ച് എസ്, ഹൈസ്കൂള് വിഭാഗത്തില് കിളിമാനൂരും യുപി വിഭാഗത്തില് ബാലരാമപുരവും എല്പിയില് പാലോടും ചാമ്പ്യന്ഷിപ്പുനേടി. എച്ച്എസ്, എച്ച്എസ്എസ് വിഭാഗങ്ങളില് കടുവയില് കെടിസിടിഇഎംഎച്ച്എസ്എസ് മികച്ച സ്കൂളായി. യുപി വിഭാഗത്തില് ലൂര്ദ്പുരം സെന്റ്ഹെലന്സ് ഗേ ള്സ്എച്ച്എസും എല്പിയില് പാലോട് പച്ച ഗവ. എല്പിഎസുംചാമ്പ്യന്ഷിപ്പ് നേടി.
ഗണിതശാസ്ത്രമേളയില് ഹയര്സെക്കന്ററിയില് കിളിമാനൂര് സബ്ജില്ലയും ഹൈസ്കൂള്, യുപി, എല്പി വിഭാഗങ്ങളില് ആറ്റിങ്ങലും ചാമ്പ്യന്മാരായി. ഹയര്സെക്കന്ററിയില് കടുവയില് കെടിസിടിയും എച്ച്എസില് മാറനല്ലൂര് ഡിവിഎംഎന്എന്എം എച്ച്എസ്എസും യുപിഎല്പി വിഭാഗങ്ങളില് ആറ്റിങ്ങല് ഡയറ്റും മികച്ച സ്കൂളുകളായി. സാമൂഹ്യശാസ്ത്രമേളയില് ഹയര്സെക്കന്ററി വിഭാഗത്തില് നെയ്യാറ്റിന്കരയും എച്ച്എസ് വിഭാഗത്തില് പാലോടും യുപി വിഭാഗത്തില് ബാലരാമപുരവും എല്പിവിഭാഗത്തില് ആറ്റിങ്ങലും ചാമ്പ്യന്മാരായി. ഹയര്സെക്കന്ററി വിഭാഗത്തില് ആറ്റിങ്ങല് ഗവ. മോഡല് ബോയ്സ് മികച്ച സ്കൂള് ആയി. എച്ച്എസ് വിഭാഗത്തില് കല്ലറ ഗവ.വിഎച്ച്എസ്എസ്സും യുപിയില് നെല്ലിമൂട് ന്യൂ എച്ച്എസ്എസും ഒന്നാംസ്ഥാനത്തെത്തി. എല്പി വിഭാഗത്തില് തുമ്പോട് എസ്എന്വി എല്പിഎസും കാച്ചാണി ഗവ. എച്ച്എസും ഒന്നാംസ്ഥാനം പങ്കിട്ടു. പ്രവൃത്തിപരിചയമേളയി ല് നെയ്യാറ്റിന്കര ഉപജില്ല ഓവറോള്കിരീടം സ്വന്തമാക്കി. തിരുവനന്തപുരം സൗത്താണ് രണ്ടാംസ്ഥാനത്ത്. ഹയര്സെക്കന്ററി, ഹൈസ്കൂള് വിഭാഗത്തില് ആറ്റിങ്ങല് ചാമ്പ്യന്മാരായി. തിരുവനന്തപുരം സൗത്ത് യുപി വിഭാഗത്തലും പാലോട് ഉപജില്ല എല്പി വിഭാഗത്തിലും ചാമ്പ്യന്മാരായി. സ്കൂള്തലത്തില് ആറ്റിങ്ങല് ഗവ. മോഡല് ബോയ്സ് ഹയര്സെക്കന്ററി വിഭാഗത്തില് ഒന്നാമതെത്തി. ഹൈസ്കൂള്, യുപി വിഭാഗങ്ങളില് നെല്ലിമൂട് ന്യൂ എച്ച്എസ്എസും എല്പി വിഭാഗത്തില് മണക്കാട് ഗവ. ടിടിഐയും ഒന്നാം സ്ഥാനംനേടി. ഐടി മേളയി ല് ബാലരാമപുരം, തിരുവനന്തപുരം സൗത്ത് ഉപജില്ലകള് ഓവറോള് കിരീടം പങ്കിട്ടു. സ്കൂള്തലത്തില് ആറ്റിങ്ങല് ഗവ. മോഡല് ബോയ്സ് ഹയര്സെക്കന്ററി വിഭാഗത്തിലും ന്യൂ എച്ച്എസ്എസ് നെല്ലിമൂട് എച്ച്എസിലും അമലഗിരി ബഥനി വിദ്യാലയം കുളപ്പട യുപിയിലും ചാമ്പ്യന്മാരായി.
