ചെന്നൈ: ഈ സീസണില് ഇന്ത്യന് സൂപ്പര് ലീഗിന്റെ പ്ലേ ഓഫില് കടക്കുകയാണ് ആദ്യ ലക്ഷ്യമെന്ന് ചെന്നൈയിന് എഫ് സിയുടെ മുഖ്യ പരിശീലകന് ജോണ് ഗ്രിഗറി. ചെന്നെയില് പത്രസമ്മേളനത്തില് സംസാരിക്കുകയായിരുന്നു അദ്ദേഹം.
ഐഎസ്ല് നാലാം പതിപ്പിന് മുന്നോടിയായുള്ള പരിശീലന പരിപാടയില് ടീം മികവ് കാട്ടിയിരുന്നു.ഞായറാഴ്ച എന്തു സംഭവിക്കുന്നത് പരമ പ്രാധാനമാണ്.
നേടാന് കഴിയുന്നതെ ഞങ്ങള്ക്ക് ലക്ഷ്യമിടാറുള്ളൂ. ആദ്യ ലക്ഷ്യം പ്ലേ ഓഫാണെന്ന് ജോണ് വ്യക്തമാക്കി.
ജവഹര്ലാല് നെഹ്റു സ്റ്റേഡിയത്തില് ഞായറാഴ്ചത്തെ തങ്ങളുടെ ആദ്യ മത്സരത്തില് ചെന്നൈയിന് എഫ്സി ഗോവ എഫ്സിയുമായി മാറ്റുരയ്ക്കും.
ഒരു കൂട്ടം മികച്ച കളിക്കാരെയാണ് എനിക്ക് കിട്ടിയിരിക്കുന്നത്. കളിക്കളത്തില് കളിക്കാര് തമ്മില് മികച്ച ധാരണയിലെത്താന് കുറച്ച് സമയമെടുക്കും. ഒട്ടേറെ മത്സരങ്ങള് കളിച്ച് ഞങ്ങള് കഠിന പ്രയത്നം നടത്തിവരുകയാണ്. കളിച്ച മത്സരങ്ങളില് നിന്ന് ഒരുപാട് കാര്യങ്ങള് മനസിലായി. ഞായറാഴച പോരാട്ടം തുടങ്ങുകയാണ്.
കുറച്ചു ദിവസങ്ങള്ക്ക് മുമ്പ് പൂനെ സിറ്റി എഫ്സിയുമായി ചെന്നൈയിന് എഫ് സി പരിശീലന മത്സരം കളിച്ചു. മത്സരം സമനിലയായി (2-2). ടീം സന്തുലിതമാണ്. നാളെ മികച്ച പോരാട്ടം നടത്താന് ഞങ്ങള് തയ്യാറെടുത്തുകഴിഞ്ഞതായി മുന് ഇംഗ്ലീഷ് ഫുട്ബോള് താരമായ ജോണ് പറഞ്ഞു.
