കൊച്ചി: കഴിഞ്ഞ സീസണുകളിലെ വിലയിരുത്തലുകള്ക്ക് ഇത്തവണ സ്ഥാനമില്ലെന്ന് കേരള ബ്ലാസ്റ്റേഴ്സ് കോച്ച് റെനെ മ്യൂളെന്സ്റ്റൈന്. ഇത്തവണ പുതിയ താരങ്ങളും തന്ത്രങ്ങളുമായാണ് കളത്തിലിറങ്ങുന്നത്. അതിനാല് വിലയിരുത്തലുകള്ക്കും താരതമ്യങ്ങള്ക്കും പ്രസക്തിയില്ലെന്നും റെനെ പറഞ്ഞു. മാധ്യമങ്ങള്ക്ക് അനുവദിച്ച അഭിമുഖത്തില് സംസാരിക്കുകയായിരുന്നു അദ്ദേഹം.
പ്രധാന കളിക്കാരും കോച്ചുമൊക്കെ മാറിവരുന്നു. വിലയിരുത്തലുകള്ക്കോ, താരതമ്യത്തിനോ ഇപ്പോള് പ്രസക്തിയില്ലെന്നും റെനെ പറഞ്ഞു. മാധ്യമങ്ങള്ക്കായി അനുവദിച്ച അഭിമുഖത്തില് സംസാരിക്കുകയായിരുന്നു അദ്ദേഹം.
വിജയത്തോടെ തുടങ്ങി വിജയത്തോടെ കിരീടം നേടുക എന്നതാണ് പ്രധാനം. അതിനിടെ തോല്വി, സമനില എന്നിവയൊക്കെ ഉണ്ടാകാം. ബെര്ബറ്റോവ്, വെസ് ബ്രൗണ്, ഹ്യൂം തുടങ്ങിയ അനുഭവസമ്പത്തേറിയ വിദേശതാരങ്ങളും ഇസുമി, വിനീത് പോലുള്ള കരുത്തുറ്റ ഇന്ത്യന് താരങ്ങളും പുതുമുഖങ്ങളും ചേരുന്നതാണ് ബ്ലാസ്റ്റേഴ്സ്. സീസണ് മുന്നോടിയായി സ്പെയിനില് നടന്ന പരിശീലനവും മറ്റും ടീം അംഗങ്ങളുടെ ഒത്തിണക്കത്തിന് ഏറെ സഹായിച്ചു. മാഞ്ചസ്റ്റര് യൂനൈറ്റഡ് ശൈലി തന്നെയാണ് പരീക്ഷിച്ചത്. പ്രീ സീസണില് തന്നെ മറ്റു ടീമുകളുടെ പ്രമുഖ താരങ്ങള് പരിക്കേറ്റ് മടങ്ങുന്ന സാഹചര്യമുണ്ടായി. പരമാവധി പരിക്കില്ലാതെ ക്ലീന് ഷീറ്റ് നിലനിര്ത്തി ഗോള് കണ്ടെത്തുകയാണ് ലക്ഷ്യം.
ആരാധകരുടെ പിന്തുണയാണ് ബ്ലാസ്റ്റേഴ്സിന്റെ കരുത്ത്. അവരുടെ പ്രതീക്ഷക്കൊത്ത പ്രകടനം നടത്തുകയാണ് ലക്ഷ്യം. അതേസമയം ഏതെങ്കിലുംവിധത്തിലുള്ള സമര്ദ്ദമില്ല. ഐഎസ്എല്ലിലെ പ്ലേയര് ഡ്രാഫ്റ്റ് വിദേശ ലീഗുകളിലും അനുകരിക്കാവുന്നതാണ്. ഇക്കാര്യം ഇംഗ്ലണ്ടിലെ സഹപ്രവര്ത്തകരോട് സൂചിപ്പിച്ചിരുന്നു. പൂളില്നിന്ന് മികച്ച താരങ്ങളെ കണ്ടെത്താന് കഴിയുന്നത് ടീമുകള്ക്ക് ഏറെ ഗുണകാരമാകുമെന്നും റെനെ കൂട്ടിച്ചേര്ത്തു.
