ന്യൂദല്ഹി: പതിമൂന്നാം വയസില് സെലക്ടര്മാര് തഴഞ്ഞതിനെതുടര്ന്ന് ആത്മഹത്യക്കൊരുങ്ങിയ കുല്ദീപ് യാദവ് ഇന്ന് ഇന്ത്യന് സ്പിന് ബൗളിങ്ങിന്റെ നെടുംതൂണായി മറിയിരിക്കുകയാണ്. ഉത്തര്പ്രദേശിന്റെ അണ്ടര് – 15 ടീമിലിടം കിട്ടാതിരുന്നതിനാണ് ഈ ചൈനാമാന് സ്പിന്നര് ക്രിക്കറ്റും ജീവിതവും അവസാനിപ്പിക്കാന് തുനിഞ്ഞത്.
ടീമിലിടം കിട്ടാന് കഠിനാധ്വാനം നടത്തി. പക്ഷെ സെലക്ടര്മാര് തഴഞ്ഞപ്പോള് നിരാശനായി. ആത്മഹത്യയെക്കുറിച്ച് ചിന്തിച്ചു. ഒരു ദുര്ബലനിമിഷത്തില് എല്ലാവര്ക്കും ഇത് സംഭവിക്കാമെന്ന് ഒരു പത്രത്തിന് നല്കിയ അഭിമുഖത്തില് കുല്ദീപ് പറഞ്ഞു.അശുഭചിന്തകള് വെടിഞ്ഞ് കഠിനാധ്വാനത്തിലൂടെ കുല്ദീപ് ഇന്ന് ലോകത്തെ മികച്ച സ്പിന്നര്മാരിലൊരാളായി മാറിയിരിക്കുകയാണ്.
കോണ്ക്രീറ്റ് പ്രതലത്തില് പന്തെറിഞ്ഞ് പഠിച്ച കുല്ദീപിന് ഇപ്പോള് ഏതുതരം പ്രതലത്തിലും ഏതരാളികളെ വീഴ്ത്താനാകും. ഇതിഹാസമായ ഓസീസ് ലെഗ് സ്പിന്നര് ഷെയ്ന് വോണ് പന്തെറിയുന്ന വീഡിയോ കണ്ടാണ് കുല്ദീപ് വളര്ന്നത്.
ഷെയ്ന് വോണ് അടുത്തിടെ കുല്ദീപിനെ പാക്കിസ്ഥാന്റെ ടെസ്റ്റ് സ്പിന്നര് യാസിര് ഷായോട് താരതമ്യം ചെയ്തു. കുറച്ചുകൂടി ക്ഷമ കാണിച്ചാല് ഈ ഇന്ത്യാക്കാരന് മികച്ച സ്പിന്നറാകുമെന്ന് വോണ് പറഞ്ഞു.
അടുത്തിടെ ഓസ്ട്രേലിയക്കെതിരായ ഏകദിന മത്സരത്തില് കുല്ദീപ് ഹാട്രിക്ക് നേടി. ഈ വര്ഷം ധര്മശാലയില് ഓസ്ട്രേലിയക്കെതിരെ ടെസ്റ്റില് അരങ്ങേറിയ കുല്ദീപ് നാലു വിക്കറ്റും സ്വന്തമാക്കി. സെപ്റ്റംബറില് ശ്രീലങ്കക്കെതിരായ പരമ്പരയിലും മികവ് കാട്ടി.
കൊല്ക്കത്ത നൈറ്റ് റൈഡേഴ്സിലൂടെയാണ് കുല്ദീപ് ഇന്ത്യന് പ്രീമിയര് ലീഗില് അരങ്ങേറിയത്.
