ഇരിട്ടി: സംയുക്ത സമരസമിതിയുടെ ആഭിമുഖ്യത്തില് റേഷന് വ്യാപാരിലക് 6 മുതല് കടകളടച്ച് അനിശ്ചിതകായ സമരം നടത്തുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ഇരിട്ടി താലൂക്കിലെ മുഴുവന് വ്യാപാരികളും അനിശ്ചിതകാല സമരത്തില് പങ്കെടുക്കും. കഴിഞ്ഞ മെയ് മാസം 31 ന് മുഖ്യമന്ത്രി റേഷന് വ്യാപാരികളുടെ ഉണ്ടാക്കിയ ഒത്തുതീര്പ്പ് വ്യവസ്ഥയിലെ റേഷന് വ്യാപാരി വേതനപ്പാക്കേജ് നടപ്പിലാക്കുക എന്നതാണ് വ്യാപാരികളുടെ മുഖ്യ ആവശ്യം. റേഷന് സാധനങ്ങള് കടയില് എത്തുന്നതിനു മുന്പ് ഫോണ് മെസ്സേജുകള് കാര്ഡുടമകള്ക്ക് നല്കി ഇവരെ കടയില് എത്തിച്ച് റേഷന് ഷോപ്പ് ഉടമകളുമായി തര്ക്കമുണടുന്ന സ്ഥിതി ഇല്ലാതാക്കുക, വ്യാപാരികള്ക്ക് ലഭിക്കുന്ന റേഷന് സാധനങ്ങളില് ഉണ്ടാവുന്ന തൂക്കക്കുറവിന് പരിഹാരം കാണുക തുടങ്ങിയ ആവശ്യങ്ങളും സമയത്തിന്റെ ഭാഗമായി ഇവര് ഉന്നയിക്കുന്നു.
വാര്ത്താസമ്മേളനത്തില് സംസ്ഥാന സെക്രട്ടറി കെ.പവിത്രന്, താലൂക്ക് പ്രസിഡന്റ് കെ.നാരായണന്, പി.സജി, പി.കെ.ബാലകൃഷ്ണന്, പി.വി. കുര്യന്, എ.ടി.രാമന്, പി.കുഞ്ഞിരാമന്, എ.ടി.ജയകുമാര്, കെ.എന്. രാമകൃഷ്ണന്, എന്.ദിവാകരന് എന്നിവര് പങ്കെടുത്തു.
