അഞ്ചു പതിറ്റണ്ടിനുമുന്പ് പുതുപ്പള്ളി റബര് ബോര്ഡ് ഓഫീസിലേക്കുള്ള റോഡ് മൂന്ന് ശതമാനം റബര് പാല് ചേര്ത്ത് ടാര് ഉപയോഗിച്ച് നിര്മിച്ചതാണ്. ഇന്നും അത് നല്ല നിലയില് കിടക്കുന്നു. മുഴുവന് റോഡുകളെയും റബറൈസ്ഡ് ചെയ്യണം എന്ന് ഒരു യുവനേതാവ് പറഞ്ഞപ്പോള് പ്രധാന റോഡുകള് റബറൈസ്ഡ് ചെയ്യണമെന്നാണ് ഒരു മുതിര്ന്ന നേതാവ് പറഞ്ഞത്.
ഒരു വ്യക്തിക്ക് വീടുമുതല് തലസ്ഥാന നഗരംവരെയുള്ള എല്ലാ റോഡുകളും പ്രധാന റോഡുകള് ആണ്. അതില് എവിടെ കുഴിയുണ്ടെങ്കിലും അവന്റെ നടുവൊടിയും.
കേരളത്തിലേക്ക് ഇറക്കുമതി ചെയ്യുന്ന മുഴുവന് ടാറും മൂന്ന് ശതമാനം റബ്ബര് പാല് ചേര്ത്ത് മിക്സ് ചെയ്ത് വിതരണം ചെയ്യണം എന്നുപറഞ്ഞ പുരോഹിതനെ നാടുകടത്തുകയാണ് ചെയ്തത്.
ഇതുവഴി റബറൈസ്ഡ് റോഡ്, റബറൈസ്ഡ് ഡാം, റബറൈസ്ഡ് തടയണ, ബയോഗ്യാസ്, ചെറുകിട വൈദ്യുതി യൂണിറ്റ് എന്നൊക്കെയുള്ള മൂന്ന് പതിറ്റാണ്ട് മുന്പുണ്ടായിരുന്ന സ്വപ്നങ്ങള് തല്ലിത്തകര്ക്കുകയാണ് ചെയ്തത്. റബറിന്റെ നാട്ടില് റബറൈസ്ഡ് റോഡ്, റബറൈസ്ഡ് ഡാം, റബറൈസ്ഡ് തടയണ എന്നിവയെപ്പറ്റി നമുക്ക് ചിന്തിക്കാന് കഴിയുന്നില്ല. നമ്മുടെ റോഡും തോടും ആറും റബര് ഉപയോഗിച്ച് നിലവാരം ഉള്ളതാക്കാം.
ഒരു റോഡു നിര്മിക്കുമ്പോള് അതില്ക്കൂടി ഏതെല്ലാം വാഹനങ്ങളാണ് ഓടേണ്ടത് എന്നാണ് ആദ്യം തീരുമാനിക്കേണ്ടത്. ഒരു റോഡിന്റെ ആദ്യ അവകാശി അതില്ക്കൂടി നടക്കുന്നവന് ആണ്. അവന് നല്ല നടപ്പാത വേണം. റോഡില്ക്കൂടി വെള്ളം ഒഴുകാതെ നല്ല ഓടവേണം. അതില്ക്കൂടി ഓടുന്ന വണ്ടിയുടെ എണ്ണവും ഭാരവും വലിപ്പവും അനുസരിച്ച് ടാറിന് കനവും ടാര് ചെയ്ത ഭാഗത്തിന് വീതിയും വേണം.
ഇതിനൊക്കെ നാം വിദേശത്ത് പോയി കാണേണ്ടതുണ്ട്. നാം ഇറക്കുമതി ചെയ്യുന്ന മുഴുവന് ടാറും മൂന്ന് ശതമാനം റബര്പാല് ചേര്ത്തേ വിതരണം ചെയ്യാവൂ. ചെയ്യുന്ന ഓരോ 10 മീറ്ററിന്റെയും സാമ്പിള് എടുക്കണം. ആ സാമ്പിളിന്റെ ബലം പരിശോധിക്കണം. ഇതിനൊക്കെ വിദേശ എഞ്ചിനീയര്മാര് വരേണ്ടതുണ്ട്.
എം. കെ.സിറിയക്,
മരങ്ങാട്ടുപിള്ളി, പാലാ
