കണ്ണൂര്: പരിസ്ഥിതി പ്രവര്ത്തനങ്ങളുടെ തുടക്കക്കാരനായിരുന്ന ജോണ് സി.ജേക്കബിന് അര്ഹതപ്പെട്ട അംഗീകാരം ലഭിച്ചില്ലെന്ന് പ്രമുഖ പരിസ്ഥിതി പ്രവര്ത്തകന് അഡ്വ.ഹരീഷ് വാസുദേവന് പറഞ്ഞു. കണ്ണൂര് സര്വകലാശാലയിലെ പരിസ്ഥിതി പഠനവിഭാഗവും മലബാര് നാച്വറല് ഹിസ്റ്ററി സൊസൈറ്റിയും നടത്തിയ അനുസ്മരണ പ്രസംഗത്തില് സംസാരിക്കുകയായിരുന്നു അദ്ദേഹം. ജോണ്സിയെ പോലെ പ്രതിഭാധനനായ വ്യക്തി കേരളത്തിന് പുറത്തായിരുന്നെങ്കില് പരിസ്ഥിതി വകുപ്പിന്റെ പേരില് ഒരു അക്കാഡമി തന്നെ ഉണ്ടായേനെ. ആന മുതല് ഉറുമ്പ് വരെയുള്ള ജീവജാലങ്ങളുടെ ബന്ധം സാധാരണക്കാരനിലേക്ക് ലളിതമായ ഭാഷയില് അവതരിപ്പിക്കാന് അദ്ദേഹത്തിന് സാധിച്ചു. ആര്ക്കും എളുപ്പത്തില് കബളിപ്പിക്കാന് സാധിക്കുന്ന അദ്ദേഹം കയ്യടിക്ക് വേണ്ടി ഒന്നും ചെയ്തില്ലെന്നും ഹരീഷ് വാസുദേവ് പറഞ്ഞു.
പരിസ്ഥിതി സംരക്ഷണത്തിന്റെ ഭാഗമായി കാമ്പസില് നിന്നും പ്ലാസ്റ്റിക് നിര്മ്മാര്ജനം ചെയ്യുന്നതിന്റെ ഭാഗമായി പ്ലാസ്റ്റിക് പേനകള് ശേഖരിക്കാനുള്ള ചടങ്ങ് പ്രൊ വി.സി ഡോ.ടി. അശോകന് ഉദ്ഘാടനം ചെയ്തു. പ്ലാസ്റ്റിക് പേനകള് ശേഖരിക്കാനുള്ള ബോക്സുകളും കാമ്പസില് ശേഖരിക്കും. പരിസ്ഥിതിശാസ്ത്രവകുപ്പിന്റെ ഗ്രീന് ഫെസ്റ്റിനോട് അനുബന്ധിച്ച് നടക്കുന്ന ദേശീയ സെമിനാര് സഹ്യയുടെ ലോഗോ പ്രകാശനം സീക്ക് ഡയറക്ടര് ടി.കെ.പത്മനാഭന് ഉദ്ഘാടനം ചെയ്തു. സി.വി.വിശാലാക്ഷന്, ജാഫര് പാലോട്ട് എന്നിവര് സംസാരിച്ചു. രജിസ്ട്രാര് ബാലചന്ദ്രന് കീഴോത്ത് അദ്ധ്യക്ഷത വഹിച്ചു. ഡിപ്പാര്ട്ട്മെന്റ് തലവന് മനോജ് സ്വാഗതവും സി. സുനില്കുമാര് നന്ദിയും പറഞ്ഞു.
