കണ്ണൂര്: ബിജെപി പ്രവര്ത്തകന്റെ വീട് അക്രമിച്ച സംഭവത്തില് 18 സിപിഎം പ്രവര്ത്തകരെ രണ്ട്വര്ഷം തടവിനും 5000 രൂപ പിഴയടക്കാനും അസി.സെഷന്സ് ജഡ്ജി ബിന്ദു സുധാകരന് ശിക്ഷിച്ചു. പാപ്പിനിശ്ശേരി തറമ്മല് കീരിഹൗസില് സി.കെ.പ്രേമരാജന്റെ വീട് അക്രമിച്ച സംഭവത്തിലാണ് ശിക്ഷ.
ബലിദാനിയായ വിശ്വനാഥന്റെ സഹോദരനാണ് പ്രേമരാജന്. 2011 ജനുവരി 11നായിരുന്നു കേസിനാസ്പദമായ സംഭവം. പാപ്പിനിശ്ശേരി വെസ്റ്റ് സ്വദേശികളായ ഷിജിത്ത് എന്ന വിജിത്ത്, അഷ്റഫ്, പി.വി.മോഹനന്, ചൂട്ടാച്ചി രമേശന്, നികേഷ് പാറയില്, മോഹനന് പാറയില്, ജോയി, ഷിബിന്, സുജിത്ത്, അജയന്, ഷൈജു, കുളത്തറ അശോകന്, കല്ല്യാശ്ശേരി സെന്ററിലെ സുനില്കുമാര്, സിജിന്, പാപ്പിനിശ്ശേരി കോട്ടത്തെ പ്രതീഷ്, കരിക്കന്കുളത്തെ സുകേഷ്, കോലത്തുവയലിലെ നികേഷ്, ഇല്ലിപ്പുറത്തെ അമ്പാടി പനയന് എന്നിവരെയാണ് ശിക്ഷിച്ചത്. വീട് അക്രമിച്ച് ടിവി ഉള്പ്പെടെയുള്ള സാധനങ്ങള് തകര്ക്കുകയും 11 പവനും ആറായിരം രൂപയും കവര്ച്ച ചെയ്യുകയും ചെയ്ത് അഞ്ച്ലക്ഷം രൂപയുടെ നഷ്ടമുണ്ടാക്കിയെന്നാണ് കേസ്.
