അടിമാലി: കൊച്ചി-ധനുഷ്കോടി ദേശീയപാത നിര്മ്മാണം വനം വകുപ്പ് തടഞ്ഞതില് പ്രതിഷേധം വ്യാപകമാകുന്നു. പെരിയ കനാലിന് സമീപം മുതല് ബോഡിമെട്ട് വരെയുള്ള 26 കി.മീ ഭാഗം സി.എച്ച്.ആറില് പെടുന്നതാണെന്നും നിര്മ്മാണ പ്രവര്ത്തനങ്ങള് അനുവദിക്കില്ലെന്നും വനം വകുപ്പ് നിലപാടെടുത്തതിനെത്തുടര്ന്നാണ് പണി തടഞ്ഞത്.
42 കിലോമീറ്ററോളമാണ് നിര്മ്മാണം നടക്കുന്നത്. മൂന്നാറില് നിന്നും പൂപ്പാറ വഴി ബോഡിമെട്ടിലെത്തുന്ന രീതിയിലാണ് പാതയുടെ നിര്മ്മാണം നടക്കുന്നത്. മൂന്നാര് മേഖലകളിലെ ഏലമലക്കാടുകളില് നടക്കുന്ന വന്കിട
റിസോര്ട്ട് നിര്മ്മാണങ്ങള് തടയാന് വനം വകപ്പിനാകാത്ത നിലപാടും പ്രതിഷേധത്തിനിടയാക്കുന്നു.
നേര്യമംഗലത്തിന് സമീപം ആറാം മൈല്, മൂന്നാം മൈല്, വാളറ മേഖലകളിലെ കലുങ്ക് നിര്മ്മാണം വനം വകുപ്പ് തടഞ്ഞത് പ്രതിഷേധത്തിനിടയാക്കിയിരുന്നുവെങ്കിലും കഴിഞ്ഞ യുഡിഎഫ് സര്ക്കാര് ഇടപ്പെട്ടതിനെത്തുടര്ന്ന് നിര്മ്മാണം പൂര്ത്തിയാക്കിയിരുന്നു.
മാങ്കുളത്ത് പൊതുവഴിയില് വനം വകുപ്പ്ചെക്ക് പോസ്റ്റ് സ്ഥാപിച്ചത് പ്രതിഷേധത്തെത്തുടര്ന്ന് മാറ്റിയിരുന്നു. സംസ്ഥാന സര്ക്കാരോ, എംപിയോ ഇക്കാര്യത്തില് ഇടപെടുവാന് ഇതുവരെ തയ്യാറായിട്ടില്ല. ദേശീയപാതയുടെ നിര്മ്മാണവുമായി ബന്ധപ്പെട്ട് പൂപ്പാറയില് നിന്നും വാഹനങ്ങള് അധിക യാത്ര ചെയ്താണ് മൂന്നാറിലെത്തുന്നത്.
