പാലക്കാട്:ബിഎംഎസ് പാലക്കാട് ജില്ലാ സമ്മേളനം 2018 ജനുവരി 6,7 തീയതികളില് പട്ടാമ്പിയില് നടക്കും. 6ന് വൈകിട്ട് പ്രകടനവും പൊതുസമ്മേളനവും, 7ന് രാവിലെ 10 മണിമുതല് ചിത്ര ആഡിറ്റോറിയത്തില് പ്രതിനിധി സമ്മേളനവും നടക്കും.
സമ്മേളനത്തിന്റെ വിജയത്തിനായി പുതുമന രാവുണ്ണിക്കുട്ടി ചെയര്മാനായും വി.കെ.സോമസുന്ദരന് (ആര്എസ്എസ് വിഭാഗ് സംഘചാലക്), അഡ്വ.ജയറാം (ആര്എസ്എസ് ഒറ്റപ്പാലം ജില്ല സംഘചാലക്), ടി.എം.നാരായണന് (ബിഎംഎസ് ജില്ലാ പ്രസിഡന്റ്) എന്നിവര് രക്ഷാധികാരികളായും, സി.ബാലചന്ദ്രന് (ബിഎംഎസ് ജില്ലാ സെക്രട്ടറി) ജനറല് കണ്വീനര്, കെ.സുധാകരന് (ഫിനാന്സ് കമ്മറ്റി ചെയര്മാന്), സലിം തെന്നിലാപുരം (പബ്ലിസിറ്റി ചെയര്മാന്), വി.ശിവദാസ് (ഫുഡ് ആന്റ് അക്കോമഡേഷന് ചെയര്മാന്), സി.സീതാലക്ഷ്മി (വനിത സബ് കമ്മറ്റി ചെയര്മാന്) എന്നിവരടങ്ങുന്ന 501 അംഗ സ്വാഗത സംഘം രൂപീകരിച്ചു.
സ്വാഗത സംഘം രൂപീകരണ സമ്മേളനം ബിഎംഎസ് ജില്ലാ പ്രസിഡന്റ് ടി.എം.നാരായണന് ഉദ്ഘാടനം ചെയ്തു. സലിം തെന്നിലാപുരം, ഒ.പി.രാമദാസ് എന്നിവര് സംസാരിച്ചു.
