ന്യൂദല്ഹി: ഇന്ത്യന് സമ്പദ് വ്യവസ്ഥയെപ്പറ്റി ആശങ്കപ്പെടാനൊന്നുമില്ലെന്നും മാറ്റത്തിന്റെ കുതിപ്പിലാണ് സമ്പദ് രംഗമെന്നും കേന്ദ്രധനമന്ത്രി അരുണ് ജെയ്റ്റ്ലി.
സമ്പദ്ഘടനയില് നിന്ന് അഴിമതി പൂര്ണ്ണമായി തുടച്ചു നീക്കാനാണ് സര്ക്കാര് ശ്രമം. അതുവഴിയേ സ മ്പദ്ഘടനയെ സുസ്ഥിരപാതയില് എത്തിക്കാനാവൂ. നോട്ടു നിരോധനത്തെ വിമര്ശിക്കുന്നവര്ക്ക് രാഷ്ട്രീയ അജണ്ട മാത്രമാണ്. തനിക്കെതിരായ വിമര്ശനങ്ങള് തള്ളിയ ജയ്റ്റ്ലി, യുപിഎ സര്ക്കാരിന്റെ കാലത്തെ നയപരാജയങ്ങളും കള്ളപ്പണവുമൊന്നും ഇപ്പോള് വിമര്ശനവുമായി രംഗത്തെത്തിയവര്ക്ക് അക്കാലത്ത് പ്രശ്നമായിരുന്നില്ലെന്നും കുറ്റപ്പെടുത്തി.
നോട്ട് നിരോധനത്തിലൂടെ സമ്പദ് വ്യവസ്ഥയെ ശുദ്ധീകരിക്കാനുള്ള ശ്രമത്തില് കേന്ദ്രസര്ക്കാര് വിജയിച്ചു. ജനാധിപത്യ സംവിധാനത്തില് പ്രത്യയശാസ്ത്രങ്ങളുടെ കൂട്ടായ്മകള് സ്വാഭാവികമാണ്. അത്തരത്തില് പുതിയ കൂട്ടായ്മകള് രാജ്യത്തുടലെടുത്തിട്ടുണ്ട്. തീവ്ര ഇടതുകളും ജിഹാദി സംഘങ്ങളും കൈകോര്ക്കുകയാണ്, ജയ്റ്റ്ലി പറഞ്ഞു.
മുന് ധനമന്ത്രി യശ്വന്ത് സിന്ഹയുടെ വിമര്ശനങ്ങളെപ്പറ്റിയും അരുണ് ജയ്റ്റ്ലി ദല്ഹിയില് നടന്ന പരിപാടിയില് മറുപടി നല്കി. മുന് ധനമന്ത്രിയുടേയോ മുന് ധനമന്ത്രിയില് നിന്ന് ലേഖനമെഴുത്തുകാരനായി മാറുമ്പോഴോ ഉള്ള സവിശേഷ അവകാശങ്ങള് തനിക്ക് ഇനിയും ലഭിച്ചിട്ടില്ലെന്നായിരുന്നു ജയ്റ്റ്ലിയുടെ ഓര്മ്മപ്പെടുത്തല്.
