ആലപ്പുഴ: വിശ്വകര്മ്മജയന്തി ബിഎംഎസിന്റെ നേതൃത്വത്തില് ദേശിയതൊഴിലാളി ദിനമായി ആചരിച്ചു. നൂറുകണക്കിന് പ്രവര്ത്തകര് കനത്ത മഴയെ അവഗണിച്ച് മേഖലാ കേന്ദ്രങ്ങളില് സംഘടിപ്പിച്ച പരിപാടികളില് പങ്കെടുത്തു.
ഹരിപ്പാട് നടന്ന പൊതുസമ്മേളനം സംസ്ഥാന ഖജാന്ജി ജി. കെ. അജിത്ത് ഉദ്ഘാടനം ചെയ്തു. തണ്ണീര്മുക്കത്ത് സംസ്ഥാന സമിതിയംഗം എ. എന്. പങ്കജാക്ഷനാണ് ഉദ്ഘാടനം ചെയ്തത്. ആലപ്പുഴയിലും അമ്പലപ്പുഴയിലും ജില്ലാ പ്രസിഡന്റ് ബി. രാജശേഖരനും പറവൂരില് ജില്ലാ വൈസ് പ്രസിഡന്റ് കെ. കൃഷ്ണന്കുട്ടിയും, അരൂരിലും തുറവൂരിലും ജില്ലാ വൈസ് പ്രസിഡന്റ് പി.ബി. പുരുഷോത്തമന് ഉദ്ഘാടനം ചെയ്തു. ബി എംഎസ്സ് മേഖല പ്രസിഡന്റ് സി.എം. അശോകന് അദ്ധ്യക്ഷനായി. ആര്എസ്എസ് ജില്ലാ പ്രചാര്പ്രമുഖ് കെ.പി. രൂപേഷ് കുമാര് മുഖ്യപ്രഭാഷണം നടത്തി. ബിഎംഎസ്സ് നേതാക്കളായ എസ്. സുമേഷ്, പി.എസ്. സാബു, എ.കെ. അഭിലാഷ്, വി.എ. ബിജു തുടങ്ങിയവര് സംസാരിച്ചു. മാന്നാറിലും കല്ലിശ്ശേരിയിലും ജില്ലാ സെക്രട്ടറി സി.ജി. ഗോപകുമാറും ഉദ്ഘാടനം ചെയ്തു.
നെടുമുടിയില് ജില്ലാ ജോ. സെക്രട്ടറി സി. ഗോപകുമാറും പാലമേലിലും കാരയ്ക്കാടും ജില്ലാ ജോ. സെക്രട്ടറി കെ. സദാശിവന് പിള്ളയും, പാണാവള്ളിയിലും, മാരാരിക്കുളത്തും എന്. വേണുഗോപാലും, കറ്റാനത്തും കുളിയ്ക്കാംപാലത്തും ജില്ലാ ജോ. സെക്രട്ടറി പി. ശ്രീകുമാറും കായംകുളത്ത് ജില്ലാ ജോ. സെക്രട്ടറി അനിയന് സ്വാമിച്ചിറയും, കാര്ത്തികപ്പള്ളിയില് ബി. സുബാഷും ചേര്ത്തലയിലും മണ്ണഞ്ചേരിയിലും ജില്ലാ ഖജാന്ജി ബിനീഷ് ബോയിയും, ചേര്ത്തല തെക്ക് ജില്ലാ കമ്മറ്റിയംഗം ജി. ചന്ദ്രമോഹനനും പൊതുസമ്മേളനങ്ങള് ഉദ്ഘാടനം ചെയ്തു.
