പാലക്കാട്:റേഷന്‍ സാധനങ്ങള്‍ കൃത്യമായ തൂക്കത്തില്‍ സപ്ലൈകോ റേഷന്‍ കടകള്‍ക്ക് നല്‍കണമെന്നാവശ്യപ്പെട്ട് സപ്ലൈകോ റീജിയണല്‍ മാനേജരുടെ ഓഫീസിലേക്ക് മാര്‍ച്ച് നടത്താനും തുടര്‍ന്ന് പരിഹാരമുണ്ടായില്ലെങ്കില്‍ അനിശ്ചിതകാല സ്റ്റോക്കെടുപ്പ് ബഹിഷ്‌ക്കരിക്കാനും തീരുമാനിച്ചതായി കേരള സ്റ്റേറ്റ് റീട്ടെയില്‍ റേഷന്‍ ഡീലേഴ്‌സ് അസോസിയേഷന്‍ ഭാരവാഹികള്‍ പത്രസമ്മേളനത്തില്‍ അറിയിച്ചു.
ഭക്ഷ്യഭദ്രതാനിയമം സംസ്ഥാനത്ത് നടപ്പിലാക്കിയെങ്കിലും റേഷന്‍ വ്യാപാരികളുടെ പ്രശ്‌നത്തില്‍ ഇത് വരെ പരിഹാരമായില്ല.വേതന വ്യവസ്ഥ നടപ്പിലാക്കുക,കൃത്യമായ തൂക്കത്തില്‍ റേഷന്‍ കടങ്ങളില്‍ സാധനങ്ങള്‍ കടകളിലെത്തിക്കല്‍ എന്നി കാര്യങ്ങളില്‍ ഇപ്പോഴും നടപടിയായില്ല.ഇതില്‍ പ്രതിഷേധിച്ചാണ് സമരം നടക്കുന്നത്.
പത്രസമ്മേളനത്തില്‍ സംസ്ഥാന പ്രസി.അഡ്വ.ജി.കൃഷ്ണപ്രസാദ്,സംസ്ഥാന സെക്രട്ടറി എന്‍.ഷജീര്‍,ജില്ലാ ജനറല്‍ സെക്രട്ടറി ശിവദാസ് വേലിക്കാട്,പി.രാധാകൃഷ്ണന്‍ പങ്കെടുത്തു.
പ്രതികരിക്കാൻ ഇവിടെ എഴുതുക: