വടക്കഞ്ചേരി:ദേശീയ പാതയില്‍ മിനിലോറി നിയന്ത്രണം വിട്ട് മറിഞ്ഞ് രണ്ട് പേര്‍ക്ക് പരിക്കേറ്റു.
ലോറി ഡ്രൈവര്‍ ഷാജു (38), കൂടെ യാത്ര ചെയ്ത ഗിരീഷന്‍(26) എന്നിവക്കാണ് നിസ്സാര പരിക്കേറ്റത്. ഇവര്‍ വടക്കഞ്ചേരി സ്വകാര്യ ആശുപത്രിയില്‍ ചികിത്സ തേടി.
മംഗലം ഗവ.ഐടിസിക്കു സമീപം ഇന്നലെ പകല്‍ ഒരു മണിയോടെയാണ് അപകടം നടന്നത്. തമിഴ്‌നാട്ടില്‍ നിര്‍മ്മിക്കുന്ന ഇഷ്ടിക കയറ്റി തൃശ്ശൂര്‍ ആമ്പല്ലൂരിലേക്ക് കൊണ്ട് പോകുന്ന വഴിയാണ് അപകടം സംഭവിച്ചത്.
നിയന്ത്രണം വിട്ട മിനിലോറി ദേശീയപാതക്ക് സമീപത്തെ കല്ലുങ്കും തകര്‍ത്താണ് പാടത്തേക്ക് മറിഞ്ഞത്.
പ്രതികരിക്കാൻ ഇവിടെ എഴുതുക: